Marsi është afërsisht gjysma e madhësisë së Tokës, me një diametër prej 6,790 km, krahasuar me 12,750 km të Tokës. I quajtur “Planeti i kuq” nuk është as i rrumbullakët, si Toka. Ndryshe nga çdo planet tjetër në Sistemin Diellor, Marsi ka formën e një topi regbie, me nje dimension të ndryshёm përgjatë tre boshteve tё tij.
Nuk ekzistojnë ushqimet me zero kalori. Edhe ushqimet me shumë pak kalori, si selinoja apo lakërishtja e ujit, përsëri përmbajnë brenda tyre më shumë elemente energjike, sesa trupi ka nevojë për t’i përpunuar.
Kafshët e përjetojnë kohën ndryshe nga njerëzit. Për kafshët më të vogla, bota përreth tyre lëviz më ngadalë krahasuar me njerëzit. Salamandrat dhe hardhucat, për shembull, e përjetojnë kohën më ngadalë se macet dhe qentë. Kjo ndodh sepse perceptimi i kohës varet nga shpejtësia me të cilën truri mund të përpunojë informacionin hyrës nga jashtë.
Uji në vetvete nuk konsiderohet nga shkenca si lëndë e lagësht. Kjo ndodh sepse shumica e shkencëtarëve e përcaktojnë lagështinë si aftësinë e një lëngu për të mbajtur kontaktin me një sipërfaqe të ngurtë. Kjo, do të thotë se uji në vetvete nuk është i lagësht, por mund t’i lagështojë objektet e tjera.
Shumica e njerëzve i përkëdhelin macet në mënyrën e gabuar.
Hulumtimet tregojnë se macet i tolerojnë përkëdheljet që nuk i pëlqejnë, vetëm për ushqim dhe vëmendje. Kush janë pikat që ato i pëlqejnë? Nën mjekër, faqe dhe te baza e veshëve. Pjesët që nuk duan t’u preken? Barku dhe baza e bishtit. Nëse preken aty, macet ka shumë të ngjarë të bezdisen, më shumë se sa të kënaqen nga përkëdhelja.
Një pulë dikur jetoi për 18 muaj pa kokë. Veprimtaria e pabesueshme e pulës Mike u regjistrua në vitin 1940 në SHBA. Pula mbijetoi pasi vena jugulare dhe pjesa më e madhe e trungut të trurit mbetën kryesisht të paprekura, duke siguruar që funksioni i trurit të mbetej mjaftueshëm gjallë për mbijetesë. Natyrisht që një pulë pa kokë ngordh brenda pak minutash.
Frika nga fjalët e gjata quhet – Hippopotomonstrosesquippedaliophobia.
Fjala me 36 shkronja u përdor për herë të parë nga poeti romak Horaci në shekullin e parë para erës sonë, për të kritikuar ata shkrimtarë me një prirje të paarsyeshme për fjalë të gjata. Ishte poetja amerikane Aimee Nezheukumatathil, ndoshta e frikësuar nga mbiemri i saj, ajo që shpiku termin siç e njohim ne, prej nga viti 2000.
Qeni më jetëgjatë në botë jetoi deri në 29.5 vjeç. Ishte një qen australian që ruante bagëtitë i quajtur ‘Bluey’, që mbijetoi kaq gjatë, duke ditur se mosha mesatare që një qen arrin është rreth 10-15 vjeç.
Ndërsa, macja më e vjetër në botë jetoi deri në 38 vjeç e tre ditë. ‘Creme Puff’ quhet macja më e vjetër që ka jetuar ndonjëherë.
Mali Everesti në Himalaja, në të vërtetë nuk është mali më i lartë në Tokë. Malet Mauna Kea dhe Mauna Loa në Hawaii, janë majat vullkanike binjake, më të larta se Everesti, pasi 4.2 km e lartësisë së tyre është e zhytur nën ujë. Dy vullkanikët binjakë kanë një lartësi prej 10.2 km, krahasuar me vetëm 8.8 km të Everestit.
Ëndrrat e këqija mbahen mend më shumë kur flini keq.
Hulumtimet tregojnë se nëse flini keq dhe zgjoheni disa herë gjatë natës, do të keni më shumë gjasa të kujtoni përmbajtjen e çdo ëndrre (të keqe) që keni parë. Gjithashtu, studimet tregojnë se mbahet mend një ëndërr e keqe, kur të zgjoheni nga një e tillë.
