Topi zyrtar i Kupës së Botës quhet Trionda.
I zhvilluar nga Adidas, topi inteligjent me një çip dhe bateri brenda tij do të gjurmojë çdo prekje, shpejtësi, rrotullim, lëvizje dhe trajektore të vetes, saqë VAR do të jetë arbitër “online” pa asnjë gabim.
Por teknologjia nuk mbaron këtu.VAR këtë kampionat botëror do të ketë edhe dy kompetenca të reja me rregullore:
1. Nëse pas rishikimit konstatohet se një lojtar është ndëshkuar gabimisht me karton të verdhë, VAR-i do të ketë kompetencë të ndërhyjë dhe të korrigjojë vendimin menjëherë.
2. Në rastet kur një goditje nga këndi është akorduar gabimisht, pra nëse arbitri jep një korner dhe pamjet tregojnë qartë se vendimi ka qenë i pasaktë, VAR-i do të mund të ndërhyjë për ta korrigjuar atë.
Këto dy rregulla të reja dhe topi teknologjik do të jenë jo vetëm risi në këtë Botëror, por edhe një provë nëse entuziazmi i tifozerive i korrigjuar nga AI do të jetë aq emocionues dhe intrigues sa dhjetëra vite futbolli më parë.
