Gjykata e Posaçme e Apelit ka rrëzuar ankimin e ish-zëvendëskryeministres Belinda Balluku, duke lënë në fuqi masën e pezullimit nga detyra dhe duke i dhënë një tjetër goditje përpjekjeve të saj për të ndryshuar situatën ligjore.
Në seancën e sotme, mbrojtja tentoi të argumentojë se masa kishte humbur efektin për shkak të kalimit të afateve, por trupa gjykuese e drejtuar nga Miljana Muça nuk e pranoi këtë qëndrim, duke konfirmuar vendimin e shkallës së parë.
Ndërkohë, Balluku vijon betejën në një tjetër front: kërkesën për heqjen e ndalimit të daljes jashtë vendit, për të cilën pritet shqyrtimi në Gjykatën e Lartë. Kjo kërkesë shihet si një përpjekje e saj për të zbutur kufizimet, në një moment kur ndaj saj vijojnë hetimet e SPAK për çështje të lidhura me tenderët.
Vendimi i Apelit e lë ish-zyrtaren në të njëjtën pozitë: e pezulluar nga funksioni dhe e kufizuar në lëvizje, ndërsa procesi ndaj saj mbetet i hapur.
