Publicisti dhe shkrimtari Ben Blushi ka prezantuar romanin e tij të ri “Jam Mysliman”, një vepër që, sipas tij, shumë botues hezituan ta botonin nga frika e reagimeve fetare.
Gjatë fjalës në promovim, Blushi u shpreh se një grup i vogël fanatikësh po përpiqen të kufizojnë lirinë e shprehjes.
“Një grusht fanatikësh na kanë frikësuar ne, na kanë zhveshur nga liria që kemi pasur. Ne kemi 30 vjet liri, por a kemi humbur rrugës? Nga mënyra si janë sjellë me librin tim, mendoj se ata kanë fituar terren,” deklaroi Blushi.
Ai shtoi se ka bërë ndryshime në dorëshkrim për t’i paraprirë keqkuptimeve, por theksoi se libri është një reflektim mbi lirinë, identitetin dhe raportin e shoqërisë shqiptare me fenë.
