Aktorja amerikane Dakota Johnson është bërë fytyra e re e fushatës së pranverës 2026 të markës Calvin Klein, duke tërhequr vëmendjen me një set fotografik mjaft provokues.
Në një nga fotot kryesore të fushatës, 36-vjeçarja pozon mbi një piano të madhe e veshur vetëm me xhinse të gjera, ndërsa pjesa e sipërme e trupit mbetet e zbuluar. Fotot dhe videoja promovuese janë realizuar nga regjisori dhe fotografi Gordon von Steiner.
Fushata ndjek aktoren gjatë një dite të qetë në shtëpi, në një ambient me stil modern të viteve ’60. Në imazhe të ndryshme ajo shfaqet duke u relaksuar në divan, duke u ulur mbi një tavolinë bilardoje apo duke pushuar pranë pishinës me një libër në dorë.
Në videon shoqëruese, Johnson dëgjohet duke folur për një skenar filmi që ka lexuar, ndërsa në një moment shfaqet duke kërcyer në dhomë me xhinset me bel të ulët të Calvin Klein dhe duke mbuluar gjoksin me dy shegë që merr nga frigoriferi. Videoja mbyllet me sloganin e ri të markës: “Do you have your Calvins on?”- “Veshur i ke xhinset Calvin?”.
Në një tjetër foto pranë pishinës, aktorja shfaqet duke bërë banjo dielli me reҫipeta të linjës Icon Cotton Modal Ultralight Balconette, ndërsa mbi trup mban një roman.
Fotot tregojnë gjithashtu disa nga tatuazhet e saj, përfshirë mbishkrimin “acta non verba” në biceps, një frazë latine që do të thotë “vepra, jo fjalë”.
Duke folur për bashkëpunimin me markën, Johnson tha se rrobat e Calvin Klein kanë një cilësi të përjetshme.
“Xhinset dhe të brendshmet Calvin Klein të bëjnë të ndihesh mirë sapo i vesh. Kjo fushatë feston ndjenjën e lirisë dhe të qenit seksi në mënyrën tënde. Ndonjëherë, fakti që një grua thjesht është vetvetja është gjëja më seksi,” u shpreh aktorja.
Edhe pse Johnson njihet për veshjet e saj provokuese në tapetin e kuq, kjo konsiderohet një nga fushatat më të guximshme të saj deri tani.
Vajza e aktorëve Don Johnson dhe Melanie Griffith i bashkohet kështu listës së gjatë të emrave të famshëm që kanë qenë fytyra të Calvin Klein.
(Burimi: Page Six)
