Ylli anglez Helen Flanagan, “e dëshpëruar” pas ish-kampionit të botës në boks David Haye, i kërkoi atij të linte të dashurën për të.
Miqtë e Hayet tregojnë se Helen ishte e çmendur pas tij dhe donte që ai të ndahej nga 33-vjeçarja Sian Osborne, me të cilën boksieri ishte në një lidhje që prej vitit 2020, për të pasur një marrëdhënie monogame me të.
Flanagan nisi një aventurë pasionante me Haye në hotele luksoze. 45-vjeçari praktikon poliamorinë – marrëdhënie me më shumë se një partnere, me pëlqimin e parteres sё tij fikse.
Helen filloi historitё me “pullё tё kuqe” pasi u nda nga i fejuari i saj, ish-futbollisti Scott Sinclair, me të cilin ka tre fëmijë. Por ndërsa Helen besonte se me Davidin ekzistonte njё dashuri e zjarrtё, ai i rrëfeu asaj njё tё vёrtetё tё dhimbshme: “E vetmja gjë që dua nga ti është trupi yt. Kaq më mjafton.”
Helen tregoi se pas kёtij pohimi tё Hayet pёsoi një krizë tё fortё, pasi marrëdhënia qё ajo e përshkroi si “toksike” – përfundoi në mënyrë shume të ashpër.
“E çmendur për të”
Shoqja e ngushtё e Flanagan tregoi se: “Helen donte që Davidi ta linte Sianin për të. Ajo ishte e çmendur pas David dhe e donte atё dëshpërimisht vetëm për vete.”
“Por Davidi kujdesej shumë për Sianin dhe thjesht nuk do ta linte kurrë për Helen. Kjo ishte jashtë diskutimit.”
Aktorja e dashur nga publiku britanik Helen Flangan, e cila luajti rolin e Rosie Webster në telenovelën ITV për 12 vjet, e ka zbuluar marëdhënien e saj “tё sёmurё” me Davidin në librin e saj të ardhshëm “Head & Heart: Break-ups, Breakdowns and Being Rosie” / “Koka dhe Zemra: Ndarjet, Prishjet dhe të qёnurit Rozi”.
Haye ishte personi i parë me të cilin Helen u lidh pas përfundimit të marrëdhënies 13-vjeçare me Sinclair. Të dy njiheshin që nga viti 2012, kur ishin pjesë e “I’m A Celebrity… Get Me Out Of Here!”, por nisёn tё ritakoheshin në vitin 2022.
Shkëndija u ndez kur Haye pa një set fotografik të Helen për një markë të njohur veshjesh intime dhe i dërgoi mesazh duke i thënë se dukej “shumë tërheqëse”. Më pas e mbuloi me komplimente, duke e quajtur “mbretëreshë elegante”.
Takimi i parë intim ndodhi në një hotel luksoz në Londër. Haye i tregoi që ishte në një marrëdhënie të hapur, por telefonatat e përditshme për muaj të tërë e bënë Helen të besonte se ai mund të ndryshonte për të.
Ajo rrëfen: “Ai më bënte të ndihesha sikur isha vajza më e bukur në botë. Isha e dashuruar.
Për një kohë mendova se mund ta linte Sian për mua. Madje fliste për një fëmijë së bashku.”
Haye i kërkoi disa herë Helen të takonte Sian, por ajo refuzoi.
“Nuk isha rehat me atë ide. Nuk jam paragjykuese, por kjo nuk është për mua,” – thotë ajo.
Kur më në fund u takuan në një ndeshje boksi në Wembley, situata u bë e sikletshme. Helen dyshoi se Haye shpresonte në një lidhje treshe.
“Ai i tha Sianit: ‘Ajo është shumë e bukur, apo jo?’. Ishte shumë e sikletshme. Sikur m`u shemb toka nёn kёmbё,” – kujton ajo.
Ajo kaloi natën me Haye, por më pas kuptoi realitetin:
“Ajo ishte gruaja e tij kryesore. Unë isha thjesht tjetra.”
Megjithatë, Helen besonte se mund ta “ndryshonte”.
Rrëfimi i betejës me OCD-në
Në librin e saj, Flanagan flet edhe për luftën e gjatë me çrregullimin obsesiv-kompulsiv (OCD), që e shoqëron që nga fëmijëria. Ajo rrëfen se ka vuajtur pёrherё nga mendime të padëshiruara, ankth të fortë dhe frikëra të vazhdueshme.
Pas lindjes së vajzës së saj të parë, simptomat u rikthyen më fort.
“Në momentet më të errëta kam menduar t’i jap fund jetës,” – pranon ajo, duke theksuar se flet hapur për të ndihmuar të tjerët që vuajnë nga e njëjta gjendje.
(Burimi: The Sun)
