Diane Keaton, një nga yjet më të dashura dhe më të njohura të Hollivudit, është ndarë nga jeta në moshën 79-vjeçare. Një zëdhënës i familjes konfirmoi për revistën People se aktorja fituese e çmimit ‘Oscar’ ka ndërruar jetë në Kaliforni.
Të afërmit e saj kanë kërkuar privatësi në këtë moment të vështirë ndërsa po vajtojnë humbjen e madhe.
Derisa nuk janë dhënë ende detaje të tjera rreth rrethanave të ndarjes nga jeta, kujtimet për Keaton vazhdojnë të jenë të gjalla dhe të paharrueshme.
E njohur për hijeshinë e saj të veçantë, humorin karakteristik dhe stilin e përjetshëm, Diane Keaton ndërtoi një karrierë që zgjati më shumë se pesë dekada. Ajo filloi me role të rëndësishme si në trilogjinë The Godfather dhe më pas arriti majat e suksesit me filmin Annie Hall, për të cilin fitoi çmimin prestigjioz ‘Oscar’.
Keaton u bë një nga figurat më të rëndësishme të kinemasë së viteve 1970 dhe vazhdoi të lërë gjurmë me hitet si Baby Boom, Father of the Bride, The First Wives Club dhe Something’s Gotta Give.
Trashëgimia e saj në botën e filmit do të mbetet gjithmonë një inspirim për brezat që vijnë.
