Delegacioni iranian që po merr pjesë në bisedimet e paqes ka udhëtuar drejt Pakistanit me një simbolikë të fortë, duke përdorur një fluturim të emërtuar sipas një prej ngjarjeve më tragjike të fundit në vend.
Sipas autoriteteve iraniane, avioni me të cilin udhëtoi delegacioni mbante emrin “Minab 168”, në kujtim të 168 viktimave – shumica fëmijë – që humbën jetën në një sulm me raketa më 28 shkurt. Sulmi goditi shkollën fillore të vajzave “Shajareh Tayyebeh” në qytetin Minab, duke shkaktuar tronditje të madhe në opinionin publik.
Pas mbërritjes në Pakistan, kryetari i Parlamentit iranian, Mohammad-Bagher Ghalibaf, publikoi në rrjetin social X një fotografi nga brenda avionit. Në të shiheshin katër vende të rezervuara me fotografi fëmijësh, secila e vendosur mbi një çantë shkolle dhe e shoqëruar me një lule – një gjest simbolik në kujtim të viktimave të vogla.
Ky veprim shihet si një mesazh i fortë politik dhe emocional nga ana e Teheranit, duke e lidhur drejtpërdrejt procesin e bisedimeve me pasojat njerëzore të konfliktit.
(Burimi: BBC)
