Kancelari gjerman Friedrich Merz i telefonoi Zelenskyt më 13 nëntor, ku ndër të tjera i transmetoi mesazhin se “burrat ukrainas nuk duhet të vijnë në Gjermani. Ata janë të nevojshëm atje”.
Gjermania prej fillimit të luftës Rusi – Ukrainë ka pritur 1.2 milionë refugjatë ukrainas që janë 28.3% e të gjithë refugjatëve ukrainas ardhur në BE. Meshkuj të rinj të moshës 18-22 vjeç, kanë mbërritur nga Ukraina, pasi Gjermania i lejoi ata të kalonin kufirin lirisht për t’u strehuar atje.
Vendimi i Friedrich Merz për të “ndaluar” ardhjen e të rinjve dhe burrave ukrainas është një vendim sa politik aq edhe ushtarak.
Gjermania po e mbështet Ukrainën ushtarakisht, por nuk dëshiron që rinia ukrainase të braktisë mbrojtjen e vendit kur ata janë të aftë të luftojnë, ndaj ka vendosur të mos mirëpresë më të rinj që janë forcë potenciale ushtarake.
Politika gjermane vendos që të marrë masa për kontingjentin e “ushtarëve” ukrainas, me qëllim që ata të qëndrojnë e mbrojnë vendin e tyre. Duke filluar nga 1 prill 2026, refugjatët e rinj ukrainas do t’i nënshtrohen një politike shtetërore ku do marrin më pak përfitime.
(Burimi: Berlino-Magazine)
