Panairi i librit këtë vit shënoi një rikthim të veçantë: shkrimtarja Helena Kadare u paraqit para publikut me librin e saj më të ri me tregime, të titulluar “Gruaja e lirë”, një vepër ku rrëfimi femëror, kujtesa dhe realiteti ndërthuren natyrshëm.
Në këtë përmbledhje, Helena udhëton mes vendeve dhe kohëve të ndryshme: nga atmosfera intime e Pogradecit deri te ritmi modern i Parisit, nga Tirana e viteve të vështira deri te korridoret krijuese të Kinostudios. Të panjohur të përditshmërisë, gra dhe burra me fate të zakonshme, por edhe figura të njohura si Lasgush Poradeci, marrin jetë në faqet e librit përmes syrit të një autoreje me përvojë dhe finesë letrare.
Helena vjen si shkrimtare “e lirё” nё Panairin ku dominonte nё tё gjallё hija dhe shpotia e bashkёshortit tё saj gjeni, Ismailit. Ajo thotё se, nuk ёshtё mёsuar ende me kёtё liri, qё ja dhuroi ikja e Ismail Kadaresё pёr nё njё botё tjetёr. Ismaili e sheh nga vendi piedestal i letёrsisё, tё asaj letёrsie qё Helena i kushtoi jetёn e gjithё, duke i shёrbyer deri nё fjalёn e fundit tё shkruar – e sheh pa e kritikuar por lёvduar thjesht dhe prerё: Ёshte libёr i mirё.
Elena Kadare me kёtё libёr ёshtё liruar nga “vargonjtё” e madhёshtisё qё bart mbiemri i saj dhe pret konfirmimin e veprёs – si Kadare e vetmuar nё udhёn e pafund tё letёrsisё.
Pjesëmarrja e saj në panair u prit me interes nga lexuesit, të cilët e shohin si një rikthim të qetë, por domethënës, në hapësirën publike dhe letrare. “Gruaja e lirë” vjen si dëshmi e një zëri që nuk është shuar, por që vazhdon të flasë me elegancë, ndjeshmëri dhe maturi artistike.
