Irani ka kryer me sukses lëshimin e tre satelitëve të rinj në hapësirë, duke përdorur një raketë ruse Soyuz, e cila u nis nga Lindja e Largët e Rusisë. Lajmi u raportua nga agjencia Anadolu dhe vjen në kuadër të bashkëpunimit të vazhdueshëm hapësinor mes Teheranit dhe Moskës.
Satelitët e vendosur në orbitë janë Kowsar 1.5, Paya dhe Zafar-2. Sipas autoriteteve iraniane, Kowsar 1.5 përfaqëson një version të përmirësuar të platformës së mëparshme të teledeteksionit dhe është projektuar për të ofruar imazhe me rezolucion të lartë, veçanërisht për përdorime në bujqësi dhe monitorim mjedisor.
Lëshimi është pjesë e një serie misionesh hapësinore që Irani ka realizuar vitet e fundit, shpesh në bashkëpunim me Rusinë, duke synuar zhvillimin e kapaciteteve të tij teknologjike në fushën e satelitëve.
Në një deklaratë të bërë përpara lançimit, ministri i Jashtëm iranian Abbas Araghchi theksoi se programi satelitor i vendit ka karakter ekskluzivisht civil dhe shkencor, duke mohuar çdo përdorim ushtarak të këtyre misioneve.
(Burimi: TGCOM)
