Një ngjarje tronditëse ka ndodhur në Ischia të Italisë, ku një burrë shurdh-memec u dhunua rëndë nga një grup të rinjsh pasi ndërhyri për të mbrojtur një djalë që po sulmohej jashtë një klubi nate. Episodi ndodhi më 16 nëntor në zonën Riva Destra të Ischia Portos.
Sipas mediave italiane, burri u përpoq të ndalonte dhunën ndaj të riut, por katër agresorët, tre prej të cilëve ishin shtetas ukrainas, i’u kthyen kundër dhe e goditën me grushte e shqelma duke e lënë të plagosur. Viktima ka bërë denoncim dhe policia ka nisur hetimet, ndërsa personat e përfshirë pritet të identifikohen përmes kamerave të sigurisë.
Ngjarja ka shkaktuar reagime të forta, pasi burri u ndëshkua pikërisht për aktin e tij të guximshëm dhe human. Shumë qytetarë kanë kërkuar drejtësi të rreptë dhe më shumë mbrojtje për personat me aftësi të kufizuara dhe ata që ndërhyjnë për të ndalur dhunën.
(Burimi: Tgcom)
