Një rast mungesash në punë ka sjellë pasoja të papritura për një bashki në zonën Alta Padovana. Autoriteti Italian i Mbrojtjes së të Dhënave ka gjobitur Bashkinë e Curtarolos me 15,000 euro për “përpunim të paligjshëm të të dhënave personale”, pasi shkarkoi nga detyra një punonjëse që ishte filmuar gjatë periudhёs kur ishte me raport mjekёsor.
Punonjësja ishte pushuar nga puna pasi Bashkia dispononte disa video që dokumentonin sjellje të papajtueshme me gjendjen shëndetësore të deklaruar. Pamjet e sigurisë, të krahasuara me të dhënat e pranisё nё punё, tregonin që ajo hynte dhe dilte nga bashkia gjatë orarit të punës pa regjistruar siç duhet lëvizjet, duke ndjekur punёt e saja personale.
E njёjta punonjëse ishte filmuar nga njё celular duke ecur para bashkisë gjatë njё dite qё kishte paraqitur raport mjekёsor.
Më pas, një video tjetёr e regjistruar me telefon nga një punonjës tjetër i bashkisë — dhe e dërguar me WhatsApp në celularin personal të kryebashkiakes Martina Rocchio — tregonte punonjësen teksa hante drekë në një restorant me dy kolegë të tjerë, që gjithashtu kishin munguar nё punё për arsye shëndetësore. Edhe kjo ngjarje ndodhi jashtë orarit zyrtar tё punёs.
Videoja përfundoi në telefonin privat të kryebashkiakes sepse, sipas dokumenteve zyrtare, autoriteti vendor “nuk ka burime të mjaftueshme financiare për t’i garantuar kryebashkiakes një telefon zyrtar dhe një numër të regjistruar të bashkisë”.
Megjithëse bashkia pretendonte se kishte prova të qarta për mungesë të qëllimshme në punë, Autoriteti Italian i Mbrojtjes së të Dhënave vlerësoi se metodat e mbledhjes dhe përdorimit të videove cenonin legjislacionin për privatësinë, duke i dhënë të drejtë ish-punonjëses.
(Burimi: TGCOM)
