Java që vjen pritet të nisë me kushte relativisht të qëndrueshme atmosferike, por jo plotësisht e qetë. Ditët e para do të dominohen nga moti i kthjellët dhe temperaturat e buta pranverore, ndërsa më pas pritet një shtim gradual i vranësirave dhe luhatje të lehta të motit.
Sipas parashikimeve të fundit, vendi ynë po ndikohet nga masa ajrore të qëndrueshme, që sjellin fillimisht diell dhe kthjellime në pjesën më të madhe të territorit. Megjithatë, gjatë orëve të pasdites, sidomos në zonat malore, pritet shfaqja e vranësirave, të cilat në disa ditë mund të sjellin edhe reshje të lehta dhe lokale.
Temperaturat do të mbeten në nivele tipike pranverore, me mëngjes të freskët dhe mesditё më të ngrohtё. Nuk priten ekstreme, por do të ketë një rritje graduale të temperaturave në mes të javës, duke e bërë motin më të këndshëm për aktivitetet në natyrë.
Era do të fryjë kryesisht nga drejtimi juglindje–jugperëndim me intensitet të lehtë deri mesatar, ndërsa në zonat bregdetare herë pas here mund të forcohet. Deti në përgjithësi do të jetë i qetë, me valëzim të ulët, çka favorizon lëvizjet detare.
Kjo javë do të jetë tipike pranverore: mëngjese të qeta, mesditё me diell dhe pasdite me vranësira të herëpashershme. Nuk priten episode të forta moti, por luhatjet e lehta janë prezente – ndaj është mirë të mos hiqni plotësisht dorë nga xhaketa apo çadra, sidomos në fundjavë.
