Parashikimet enigmatike të Nostradamusit – filozofit, astronomit dhe profetit më të famshëm të historisë – po trondisin sërish botën. Pasuesit e tij besojnë se katërvargjet e shekullit XVI zbulojnë atë që mund të ndodhë në vitin 2026… dhe tabloja nuk është aspak e qetë.
Michel de Nostredame, i njohur si Nostradamus, botoi “Les Propheties” në vitin 1555, një përmbledhje me 942 parashikime të shkruara me kode, latinishte të errët dhe frëngjishte arkaike, aq të paqarta sa kanë ushqyer teoritë për shekuj. Adhuruesit e tij i atribuojnë këto vargje parashikimeve të sulmeve të 11 shtatorit, vdekjes së Princeshës Diana, madje edhe shpërthimit të pandemisë Covid-19.
Dhe tani, vëmendja është kthyer te vargjet e lidhura me numrin 26, të cilat shumë i interpretojnë si profeci për vitin 2026.
Bletët misterioze – paralajmërim për pushtet politik?
Një nga vargjet më të cituara lexon: “Tufa e madhe e bletëve do të ngrihet… natën prita…”
Por bletët, sipas studiuesve të Nostradamusit, nuk përfaqësojnë insekte – por simbol të pushtetit. Disa besojnë se këtu paralajmërohet ngritja në skenë e liderëve të fuqishëm botërorë, si Donald Trump apo Vladimir Putin. Teorikisht, kjo mund të lidhet me një marrëveshje të mundshme në Gaza ose me përparimin rus në Ukrainë.
Dhe nëse kjo nuk mjafton, disa profecira sugjerojnë bashkimin e aleatëve të mëdhenj në një lëvizje politike të papritur, me pasoja ndërkombëtare.
“Ticino do të mbushet me gjak” – një tjetër konflikt në Europë?
Një tjetër varg shqetësues thotë: “Për shkak të favorit që qyteti do të tregojë… Ticino do të mbushet me gjak…”
Ticino, zona jugore e Zvicrës që kufizohet me Italinë, ka nxitur hipoteza të shumta. A paralajmëron Nostradamusi një konflikt të ri europian? Një tension mes vendeve fqinje? Apo diçka më e gjerë, që prek të gjithë kontinentin?
Askush nuk ka përgjigje, por interpretimet janë të zymta.
Lindja kundër Perëndimit – shtatë muaj luftë
Një varg tjetër i shumëpërfolur përmend: “Shtatë muaj luftë e madhe… njerëz të vdekur nga e keqja…”
Disa e lidhin me tensionet e vazhdueshme mes Perëndimit dhe Lindjes, me mundësinë e një konflikti të ri të udhëhequr nga “dy udhëheqës që besojnë se nuk mund të dështojnë”. A i referohet kjo Volodymyr Zelenskyt? Apo Donald Trumpit, të cilin mbështetësit e Nostradamusit e quajnë “Mbreti Donald”?
Mbetet mister.
Marsi në qiell – një vit flakë dhe gjaku?
Një tjetër parashikim i errët thotë: “Kur Marsi të sundojë rrugën e tij mes yjeve, gjaku i njeriut do të spërkasë shenjtëroren…”
Meqenëse Marsi simbolizon luftën, shumë e lexojnë këtë si paralajmërim për konflikte të shumta, ndoshta edhe katastrofa të reja gjeopolitike.
Pastaj vjen një varg tjetër: “Tre zjarre ngrihen nga Lindja, ndërsa Perëndimi humbet dritën e tij në heshtje.”
Disa besojnë se kjo aludon për rivalitet ekonomik me vendet e Azisë – të tjerë thonë se mund të lidhet me shpërthimin e inteligjencës artificiale, që kërcënon vendet e punës dhe stabilitetin ekonomik të Perëndimit.
Por në fund… një dritë shprese!
Megjithëse shumica e parashikimeve tingëllojnë apokaliptike, Nostradamusi i mbyll vargjet për vitin 2026 me një notë pozitive:
“Hijet do të bien, por njeriu i dritës do të ngrihet. Yjet do t’i udhëheqin ata që shikojnë brenda vetes.”
Sipas interpretimeve, kjo mund të nënkuptojë: shfaqjen e një lideri të ri qё ngjall shpresё, një epokë të re politike, ose një kthesë globale drejt humanizmit dhe lidhjeve njerëzore, larg teknologjisë së tepruar.
Pas një viti kaosi, Nostradamusi parashikon një rilindje.
Tani, mbetet vetëm një pyetje:
A do të realizohen këto parashikime në vitin 2026, apo gjithçka mbetet thjesht mit?
(Burimi: Daily Mail)
