Shqiptaro-amerikania Evi Kokalari ka publikuar një reagim të fortë në rrjetet sociale, ku ngre alarmin për projektet e investimeve të huaja në Portin e Durrësit dhe ishullin e Sazanit.
Ajo pretendon se në kontratat e firmosura me investitorë nga Emiratet e Bashkuara Arabe dhe Jared Kushner, parashikohet mundësia e kthimit të konçesionit 99-vjeçar në pronësi të përhershme të investitorëve.
Sipas saj, ky është një rrezik serioz për sigurinë kombëtare dhe kufijtë territorialë të Shqipërisë. Kokalari akuzon qeverinë shqiptare për “shitje të tokës kombëtare”, ndërsa kritikon edhe situatën politike brenda opozitës.
Kokalari kërkon që qytetarët të reagojnë dhe të kërkojnë transparencë për këto marrëveshje, ndërsa ngre pyetjen: “Pas 99 vjetësh, kujt do t’i përkasë Sazani dhe Porti i Durrësit?”
Më poshtë deklarata e plotë e Evi Kokalarit, e publikuar në rrjetet sociale, e cila po qarkullon gjerësisht në media:
“Diku nga korriku, ngrita alarmin për ardhjen në Tiranë të Princit të Emirateve Mohamed bin Zayed Al Nahyan, dhe Khaldoon Al Mubarak, CEO të fondit “Mubadala” që është njëri nga mjetet e investimeve të oborrit mbretëror.
E shpreha në atë kohë që Rama nuk ishte aspak transparent dhe nuk po sqaron popullin se çfarë po bën mbas kurrizit të tyre.
Sot, më ra në dorë kontrata që Asher Abehsera, në emër të Jared Kushner dhe asaj që duket kompani me bazë legale në Emiratet, ka firmosur me shtetin e Serbisë, lidhur me kullat që këta kanë marrë në Beograd.
Skandali më i madh në këtë kontratë është klausola që flet për konvertimin e këtij konçesioni nga ‘me qera për 99 vjet’ në pronësi absolute të ‘’investitorit strategjik” që është Kushner + Emiratis.
Duke patur parasysh se të njëjtët avokat dhe të njëjtët partner kanë dhe për Sazanin, po ju them pa frikë, që Sazani po i falet Jared Kushner dhe Presidentit të Emirateve, së bashku me princin e Arabisë Saudite.
Po me këta dy shtete (Arabia Saudite & Emiratet), Jared Kushner ka bërë draftin më skandaloz për të rindërtuar Gazën, duke forcuar Izraelin për të ndaluar luftën kundër Hamasit.
Në këtë draft, shpjegohet qartë që Arabia Saudite dhe Emiratet, së bashku me Jared Kushner dhe disa element të tjerë, në shkëmbim të 140 miliard dollarë të investituar, do marrin 30-40% në pronësi truallin e Gazës.Të njëjtën gjë po shtyjnë dhe në Ukrainë.
Paqja e shtyrë këto ditë vjen me një draft për rindërtim të formuluar nga Kushner dhe Kirill Dmitriev, ky i fundit është drejtori i ‘Fondit të investimeve” të Rusisë, pra investon në emër të Putinit dhe qeverisë së tij.
Dmitriev kaloi disa ditë në Miami me Kushner & Witkoff në fund të Tetorit. Në fakt, bashkëpunimin mes këtyre për të rindërtuar Ukrainën, e kam dëgjuar vjet nga individ që kanë qënë afër me Trump dhe njohin mirë zonën Ukrainë/Rusi.
Tashmë, thjeshtë çdo gjë po manifestohet në publik. Ky më poshtë është linku i draftit të ‘rindërtimit’ të Gazës, dhe Izraeli vetë s’ka lidhje, madje shumë ngritën zërin kundër kësaj ‘marrëveshje paqeje’, sepse në këmbim të profitit, Jared Kushner po ju sjell Arabinë Saudite dhe Emiratet në fytyrë dhe Israelit, dhe Ukrainës dhe ne në Ballkan.
https://www.washingtonpost.com/documents/f86dd56a-de7f-4943-af4a-84819111b727.pdf
Momentalisht shqetësimi im mbetet Sazani, dhe në këtë pikë porti i Durrësit. Të dyja këto afere janë pikërisht ato për të cilat dua ta shoh Edi Ramën në burg. Nëse këta të Emirateve kanë në pronësi portin e vetem të vëndit plus një pikë aq strategjike si Sazani, integriteti dhe siguria kombëtare e Shqipërisë rrezikohet duke mbetur në duart e atyre që me paranë e tyre, do t’ju dëbojnë dhe juve siç kanë plan të bëjnë me ata në Palestinë, që sipas linkut më lart, do t’ju ofrojnë para nëse largohen nga Gaza me vullnetin e tyre.
Realisht, i kërkoj të gjithë Shqiptarëve të zgjohen dhe të kuptojnë çfarë po ndodh, sepse realisht, s’do kemi më as tokë amë për t’ju lënë gjeneratave të ardhshme.
Ndërkohë turp ti vij Sali Berishës që ka mbajtur peng opozitën dhe s’na la të merremi me Edi Ramen por na ka bllokuar ndërkohë që Rama fal Shqipërinë copa-copa.
Nuk di t’ju shpjegoj çfarë neverie ndjej për ju të gjithë që ju dhamë besimin në 1991 dhe e latë vëndin në këtë pikë.
Të gjithë, pa përjashtim jeni fajtor!!”
