Kur flitet për rritjen e dëshirës intime, këshillat më të sigurta tё sociologёve janë ato më pak romantiket si: gjumë i mirë, ulje e stresit, zgjidhje e problemeve të komunikimit nёçift, etj.
Por edhe kur këto “defekte” sistemohen, dëshira pёr seks mes partnerёve, mbetet e paqëndrueshme. Ajo fillon dhe ndikohet nga tё tjera pengesa apo “armiq” si: humori, lodhja apo dinamika e pёrditshme e jetёs sё njёrit apo tё tё dy partnerёve.
Terapistët e marrëdhënieve nёçift thonë se shumë njerëz gabojnë kur e shohin dëshirën pёr seks, si një “buton” që ndizet, ose fiket sa herё shtrihesh nё krevat. Në realitet, ajo krijohet kur ҫifti vendoset dhe pёrjeton kushtet e duhura.
Ja disa qasje jo shumё tё zakonshme por qё kanё rezultuar efektive, sipas ekspertëve të marrëdhënieve nё ҫift.
1. Bëni një “inventar” të gjërave që ju heqin dëshirën pёr tё bёrё seks
Në vend që të kërkoni gjithmonë mënyra për ta rritur pasionin, ndihmon shumё mё tepёr të kuptoni çfarë e zbeh atë. Grindjet e vogla tё vazhdueshme, lodhja, rutina e pёrditshme, shoqёruar me mungesё tё fjalёve pёrkёdhelёse, ndikojnë më shumë se sa mendoni. Identifikimi i këtij “inventari”, nё dukje gjёrash tё vogla, por shumё tё rёndёsishme, është hapi i parë drejt ndryshimit.
2. Ofroni afërsi, jo menjёherё intimitet
Konsumimi i një seance fillestare “nxemjeje” për të qenë thjesht fizikisht pranë njëri-tjetrit pa tendencё tё menjёhershme seksuale – për shembull jepini kohё tё mjaftueshme seancёs pёr përqafime, masazhit pёrkёdhelёs me duar e fjalё ose thjesht për të ndenjur afër njёri- tjetrit – kohё qё krijon hapësirë për dëshirёn penetruese, e cila vjen natyrshëm, pa imponim ose presion.
3. Shihni partnerin me “sy tjetёr”
Negativiteti i grindjeve tё jetёs nё ҫift, e zbeh tërheqjen seksuale. Ekspertët sugjerojnë të harroni “sherrin” e tё rikujtoni cilësitë që vlerësoni tek partneri dhe të harroni kritikat. Ato duhet tё qёndrojnё jashtë dhomës së gjumit.
4. Ndryshoni rutinën e pёrditshme
Risia nxit emocionet. Ndërroni orarin, iniciativën ose mënyrën si e kaloni kohën bashkë. Edhe ndryshimet e vogla rikthejnë ndjenjën e afërsisë.
5. Mësoni diçka të re së bashku
Një aktivitet tё ri – gatim, sport, lojë tё re qё krijon bashkëpunim dhe emocione të përbashkëta. Kjo, shumё shpesh përkthehet në më shumë bashkёveprim emocional, premisё pёr tё ҫuar nё dёshirёn qё vjen mё pas…
6. Zhdukni kёrkesёn me presion
Një nga “armiqtë” më të mëdhenj të dëshirës seksuale është detyrimi. Kur nuk e trajtoni aktin intim si provim për t’u kaluar, trupi dhe mendja relaksohen. Dëshira pёr seks nuk imponohet, por krijohen kushtet që ajo të shfaqet.
(Burimi: Përshtatur nga artikulli i Catherine Pearson – The New York Times)
