Në kuadër të programit Javët Kulturore Ndërkombëtare, më 21 nëntor, nis zyrtarisht Java Kulturore e Kosovës në Shqipëri. Për disa ditë me radhë, publiku shqiptar do të ketë mundësinë të përjetojë nga afër artin, muzikën, traditën dhe kulturën bashkëkohore të Kosovës përmes një sërë eventesh të hapura për të gjithë.
Programi kulturor përfshin ekspozita, projeksione filmash, koncerte, aktivitete për të rinj dhe prezantime të artistëve të njohur kosovarë, duke na afruar edhe më shumë përmes artit dhe traditës së përbashkët kulturore. Aktivitetet do të zhvillohen në disa hapësira kulturore dhe institucione artistike në Tiranë.
Java Kulturore e Kosovës do të vazhdojë deri më 5 dhjetor, duke i dhënë hapësirë të veçantë shkëmbimit artistik.
Qytetarët mund të ndjekin kalendarin e plotë të ngjarjeve në faqen zyrtare të Javëve Kulturore Ndërkombëtare (JKN), për të mos humbur aktivitetet që do të zhvillohen ditët në vijim.
