Shumica prej nesh nuk e mendojnë dy herë nëse lënë disa pajisje elektrike të lidhura me prizën gjatë gjithë ditës. Por ekspertët paralajmërojnë se disa prej tyre duhet të shkëputen gjithmonë pas përdorimit, jo vetëm për të shmangur rrezikun e zjarrit, por edhe për të ulur konsumin e fshehtë të energjisë, që rrit faturat mujore.
Pajisjet që duhen shkëputur gjithmonë nga priza
Ekspresёt e kafesë – Edhe pse përdoren disa herë në ditë, ekspresёt e kafesë me ekran digjital, drita, orë apo panele me prekje vazhdojnë të konsumojnë energji edhe kur nuk janë aktive. Një ekspres i tillë shton faturёn e energjisё me 1–3 dollarë në muaj vetëm nga tё qёndruarit ndezur.
Çajnikët elektrikë – Sidomos ata me rregullim temperature. Këto pajisje konsiderohen si “vampirë energjie” dhe mund të përbëjnë rrezik zjarri nëse lihen të vёna nё prizё.
Pajisjet për stilimin e flokëve – Këto janë ndër shkaqet më të shpeshta të zjarreve në shtëpi. Edhe pasi fiken, një defekt ose nxehtësia e mbetur mund të jetë e rrezikshme. Duhet të shkëputen dhe të ruhen menjëherë pas përdorimit nё vende tё sigurta, deri sa tё ftohen.
Printerët – Edhe pse nuk paraqesin rrezik të madh zjarri, printerët janë ndër pajisjet që konsumojnë energji vazhdimisht përmes qarqeve të brendshme. Nëse nuk përdoren çdo ditë, rekomandohet të mbahen të shkëputur nga priza.
Thekёset e bukёs – Grimcat e bukës që grumbullohen brenda tyre krijojnë rrezik zjarri. Edhe një konsum i vogël energjie është i panevojshëm kur pajisja nuk përdoret. Pastrimi dhe shkëputja nga priza janë thelbësore.
Ngrohëset elektrike portative – Janë ndër pajisjet më të rrezikshme në shtëpi. Disa modele mund të mbinxehen ose të aktivizohen aksidentalisht. Rreziku shtohet nëse pranë tyre ka batanije, rroba apo mobilie.
Siguri dhe kursim në të njëjtën kohë
Ekspertët theksojnë se shkëputja e pajisjeve nga priza pas përdorimit është një zakon i vogël, por me ndikim të madh: ul rrezikun e zjarreve, rrit sigurinë në shtëpi dhe ndihmon në kontrollin e shpenzimeve mujore të energjisë.
Në një kohë kur çmimet e energjisë janë në rritje, ky zakon i thjeshtë mund të bëjë diferencën.
(Burimi: Southern Living)
