Konferenca globale e javës së ardhshme mbi kontrollin e duhanit do të shqyrtojë se çfarë duhet bërë në lidhje me vëllimin e madh të bishtave të cigareve që po shkatërrojnë planetin. Disa rekomandojnë ndalimin e tyre plotësisht.
“Gjëja më e mirë që mund të bёjmё për mjedisin është heqja dorë krejtësisht nga filtrat”, tha të enjten Andrew Black, kreu në detyrë i sekretariatit të Konventës Kornizë të Organizatës Botërore të Shëndetësisë për Kontrollin e Duhanit (FCTC).
“Filtrat plastikë të cigareve janë sendi më i ndotur në botë, sepse lëshojnё kimikate toksike në mjedis duke u zbërthyer në mikroplastikë – ndërkohë që, vlejnё fare pak për duhanpirësit”, shtoi ai.
Konferenca e 11-të e palëve të FCTC-së do të mbahet në Gjenevë nga 17 deri më 22 nëntor.
OBSH-ja paralajmëroi se industria e duhanit po përpiqej të infiltrohej dhe të minonte konferencën.
Black tha se, ndër tema të tjera, takimi do të shqyrtojë dëmin mjedisor të shkaktuar nga industria e duhanit dhe produktet e saj.
Konferenca globale e javës së ardhshme mbi kontrollin e duhanit do të shqyrtojë se çfarë duhet bërë në lidhje me vëllimin e madh të bishtave të cigareve që po shkatërrojnë planetin, ku disa rekomandime janё pёr ndalimin e tyre plotësisht.
Rreth 4.5 trilionë bishta cigaresh hidhen çdo vit në të gjithë botën, duke i bërë ato formën më të zakonshme të mbeturinave në planet.
Rudiger Krech, shefi i OBSH-së për mjedisin dhe ndryshimet klimatike, tha se ishte “koha për të ndaluar kёto plastika… sepse ato janë ndotësit më të lartë të ujërave dhe janë të kontaminuara sikurse dhe me toksina.
“Konferenca do të marrë vendime që do të përcaktojnë trajektoren e epidemisë globale të duhanit për brezat e ardhshëm”, tha Black, duke shtuar se “më shumë se shtatë milionë vdekje në vit ndodhin për shkak të duhanit – një numër viktimash plotësisht i parandalueshëm”.
Pika të tjera kryesore të axhendës se Konferencёs sё javёs qё vjen përfshijnë “marketingun agresiv” të produkteve të duhanit, si dhe shqetësimet e përhapura në lidhje me numrin e fëmijëve që joshen, por dhe bёhen tё varur nga kёto produkte.
Janё më shumë se 100 milionë njerëz qё përdorin cigaret elektronike, përfshirë të paktën 15 milionë adoleshentë të moshës nga 13 deri në 15 vjeç, statistikё e dalё sipas njё vlerësimi paraprak global të OBSH-së.
Shefi i OBSH-së, Tedros Ghrebreyesus, tha se: “Edhe pse cigaret elektronike shpesh promovohen si alternativa më të sigurta ndaj produkteve konvencionale të duhanit, nuk ka prova për përmiresim tё shёndetit publik prej pёrdorimit tё tyre – por ka prova për rritjen e dёmeve nga pёrdorimi i kёtyre cigareve.”
“Jemi të vetëdijshëm për përpjekjet e industrisë së duhanit për të infiltruar dhe ‘minuar” konferencën e javës së ardhshme”, -u tha ai gazetarëve.
Benn McGrady, kreu i njësisë së ligjit dhe politikave të shëndetit publik në OBSH, tha se industria e duhanit po “lobonte si e çmendur” dhe “po përpiqej të mbillte përçarje”.
Ai tha se produktet e reja po paraqiteshin si produkte për reduktimin e dëmit, por në fakt ato pёrmbanin vetёm karakteristika joshёse “veçanërisht tërheqëse për fëmijët”, të tilla si ngjyra të ndezura dhe aroma te ëmbla.
OBSH-ja kërkon ndalimin gjithëpërfshirës të reklamimit, promovimit dhe sponsorizimit tё duhanit, duke përfshirë si cigaret elektronike, ashtu dhe ato qё tregtohen me qese tё nikotinës.
(Burimi: Daily Mail)
