A ju kujtohet Bekim Fehmiu – Odisea?
Filmi Odiseja konsiderohet një nga kolosët e kinematografisë televizive italiane. I pari film i xhiruar me ngjyra është shfaqur në 1968. Në 8 seri televizive filmi Odiseja me aktorin legjendar nga Kosova Bekim Fehmiu, u realizua nën regjinë e tre regjisorëve italianë; Franco Rossi, Piero Schivazappa dhe Mario Bava. Në rolin e Penelopës, krah Fehmiut, interpretoi me mjeshtëri aktorja e famshme greke, Irene Papas.
Kësaj herë Hollywood ka përgatitur kthimin epik të Odiseut në Itakë pas Luftës së Trojës, me aktorë të tjerë dhe regji moderne.
Duke luftuar me bishat mitike, sirenat joshëse dhe perënditë hakmarrëse, udhëtimi i Odiseas është një histori e përjetshme e heroizmit, besnikërisë dhe kërkimit të pareshtur për kthimin në shtëpinë e braktisur prej 20 vjetësh.
Me regji nga Christopher Nolan, ky film epik i bazuar në poemën monumentale të Homerit është një nga filmat më të pritur të vitit, me një kast me përmasa vërtet mitike: Matt Damon, Anne Hathaway, Charlize Theron, Tom Holland, Zendaya, Robert Pattinson, Elliot Page dhe bashkë-yllin Lupita Nyong’o, Odisea e Hollywood-it vjen për spektatorët nëpër kinema më 17 gusht të këtij viti.
Pritshmëria për këtë film është e madhe pasi buxheti dhe xhirimet janë spektakolare.
Por për publikun shqiptar Odiseja i vërtetë do të mbetet gjithnjë ai, i paharruari Bekim Fehmiu.
