Koreja e Veriut ka marrë një vendim të papritur që ka tërhequr vëmendjen ndërkombëtare. Pas fitores së ekipit të femrave nën 17 vjeç në Kupën e Botës, udhëheqësi suprem Kim Jong-un ka urdhëruar që qytetarët koreano-veriorë të mund të shikojnë për herë të parë ndeshjet e Premier League në televizion.
Megjithatë, transmetimet nuk do të jenë të plota. Çdo ndeshje do të regjistrohet, redaktohet dhe modifikohet nga autoritetet përpara se të dalë në ekran, me prerje të synuara për të shmangur skena të cilat konsiderohen “të papërshtatshme” ose politikisht të ndjeshme për publikun.
Lëvizja vjen në një kohë kur Koreja e Veriut, e drejtuar me “grusht hekuri” nga Kim Jong-un, vazhdon të sfidojë Perëndimin me testet raketore dhe kërcënimin bërthamor, ndërsa mbetet një nga vendet më të izoluara dhe më të mbyllura në botë.
Vendimi shihet nga analistët si një sinjal i mundshëm i hapjes graduale kulturore, edhe pse në formë të kontrolluar dhe të filtruar.
(Burimi: Tgcom)
