Muzeu Historik Kombëtar rikujton botimin e parë të revistës “Albania”, një ndër organet më të rëndësishme të periudhës së Rilindjes Kombëtare, i dalë më 25 mars 1897.
Nën drejtimin e Faik Konicës, kjo revistë u kthye në një tribunë ku ndërthureshin politika, letërsia dhe shkenca.
Fillimet e saj i pati në Bruksel, ndërsa më pas botimi vijoi në Londër deri në vitin 1909.
Në zhvillimin e saj dhanë kontribut figura të shquara si Gjergj Fishta, Fan Noli dhe Andon Zako Çajupi, duke e bërë atë një pasuri të vyer për identitetin kombëtar.
Falë karakterit shumëgjuhësh, revista u shndërrua në një pikë takimi me rëndësi diplomatike dhe kulturore, duke ndikuar dukshëm në historiografinë shqiptare.
Ajo shërbeu si një lloj enciklopedie dinamike, ku u trajtuan çështje si standardizimi i alfabetit, zhvillimi i gjuhës dhe themelet e kritikës letrare, përmes botimeve dhe recensioneve mbi autorë dhe vepra shqiptare e arbëreshe.
