Senati amerikan kishte rënë dakord unanimisht që t’ia dërgonte projektligjin për Epsteinin tavolinës së Trumpit sapo ai të pranohej nga Dhoma e Përfaqësuesve.
Me 427 vota pro dhe 1 kundër – u votua dhe miratua Akti i Transparencës së Dosjeve të “Epstein” nga Dhoma e Përfaqësuesve në Kongresin e SHBA.
Clay Higgins, përfaqësues nga Luiziana, ishte i vetmi anëtar që votoi kundër projektligjit. Higgins iu drejtua X për të deklaruar se projektligji “braktis 250 vjet të procedurës së drejtësisë penale në Amerikë”.
“Nëse miratohet në formën e tij aktuale, ky lloj zbulimi i pakufij i dosjeve hetimore penale, që i lëshohet medias së tërbuar, absolutisht do të rezultojë në lëndimin e shumë njerëzve të pafajshëm”, shkroi ai.
Projektligji do të kalojë nga Dhoma e Përfaqësuesve në Senat përpara se të kalojë në tavolinën e Presidentit Trump.
Trump ka autoritetin për të publikuar vetë të gjithë koleksionin e dosjeve dhe ka premtuar vazhdimisht transparencë të plotë pas muajsh përplasjesh të tensionuara me republikanët e Dhomës së Përfaqësuesve mbi materialin bombastik të Epstein.
Por lëvizja e tij e fundit gjatë fundjavës dhe vendimi për të sjellë Prokuroren e Përgjithshme të SHBA-së, Pam Bondi në këtë debat, krijon mundësi të një vonese tjetër në marrjen dhe hapjen e dosjeve të çështjes “Epstein” që, demokratët dhe madje edhe disa republikanë kanë muaj të tërë që e kërkojnë – të hapen.
Dhoma e Përfaqësuesve miratoi me shumicë dërrmuese publikimin e dosjeve shpërthyese të Epstein, dhe kjo është një lëvizje e rrezikshme ndaj Trump.
Dhoma e Përfaqësuesve e SHBA-ve miratoi Aktin e Transparencës së Dosjeve Epstein, ndërsa dhjetëra viktima të financuesit pedofil ndjekin me ankth efektet që mund të shkaktojë publikimi i mundshëm i dhjetëra mijëra dokumenteve që lidhen me operacionin e trafikimit seksual të Jeffrey Epstein dhe Ghislaine Maxwell. Megjithëse dikur ishte kundër publikimit të dosjes “Epstein” dhe duke e quajtur atë një “mashtrim të demokratëve”, Presidenti Trump ndryshoi papritur mendim, gjatë fundjavës së shkuar, pasi ndoshta pa se shumë në partinë e tij ishin të gatshëm ta sfidonin, pavarësisht kësaj situate.
Çfarë di Trump për emrat në këtë dosje eksplozive?
Vetëm një përfaqësues, Clay Higgins i Luizianës, ishte i vetmi që votoi kundër projektligjit, duke e justifikuar vendimin e tij kundër hapjes së tyre, me bindjen se, siç është shkruar,
“do zbulojë dhe lëndojë mijëra njerëz të pafajshëm”.
(Burimi: Marrë dhe përshtatur nga Daily Mail)
