Një sfidë inteligjence e realizuar brenda shtëpisë së “Big Brother Albania” është kthyer në një nga momentet më të komentuara në rrjete sociale, por jo për shkak të nivelit të njohurive të banorëve. Përkundrazi, loja nxori në pah një seri gafash historike, gjeografike dhe kulturore që shumëkush i ka cilësuar si shqetësuese për nivelin e njohurive të personazheve që shpesh zënë hapësirë të madhe në media dhe rrjete sociale.
Në vend të një prove kulture të përgjithshme, sfida u shndërrua në një spektakël humori të pavullnetshëm, duke bërë që shumë përdorues në internet ta pagëzojnë ironikisht situatën si “BigGafatAlbania”.
Më poshtë janë disa nga gafat më të përfolura të banorëve gjatë testit:
Selin Bollati
- Sa vite ka një shekull? – “Ka 10 vite.”
- Çfarë produkti ushqimor i hidhet të sapomartuarve për prosperitet? – “Banane.”
- Cili është emri i vërtetë i Nënë Terezës? – “Agnesë Tereza ose Anjezë Tereza.”
- Sa ngjyra ka ylberi? – “8 ngjyra.”
- Në cilin vit u shpall Pavarësia e Kosovës? – “Sa bëri… 14 më duket?”
- Kush e ka shkruar “Lahuta e Malcís”? – “Migjeni.”
- Në cilin kontinent ndodhet Egjipti? – “O Zot sa turp… pas.”
- Sa shenja horoskopi ka? – “9 mendoj.”
- Kush e ka shkruar romanin “Gjenerali i ushtrisë së vdekur”? – “Nuk ja kam idenë.”
Dj Gimbo
- Sa shenja ka horoskopi? – “6 më duket… apo 8? 6-7-8… 6.”
- Cili është emri i vërtetë i Nënë Terezës? – “Nëna Terezë i kam thënë gjith’.”
- Në cilin vit u shpall pavarësia e Kosovës? – “17 shkurt 2007… jo 2009.”
Nikol
- Sa vite ka një shekull? – “15 vite.”
- Cili është mali më i lartë në Shqipëri? – “Mali i Dajtit.”
- Cili është emri i vërtetë i Nënë Terezës? – “Ua, ua… e di… ua.”
- Sa shtete ka SHBA? – “27.”
- Kush e shkroi Iliadën dhe Odisenë? – “Shekspiri.”
Brikena
- Cili është emri i vërtetë i Nënë Terezës? – “Kalkuta diçka…”
- Njësia monetare e Anglisë? – “Dollari… Vëllai i Madh, unë jam rrit në Itali.”
- Cila ditë njihet si “dita e gënjeshtrave”? – “Nuk e di.”
Mateo
- Sa ngjyra ka ylberi? – “12 po ja fus… s’ja kam idenë.”
- Cili është emri i vërtetë i Nënë Terezës? – (qesh pa përgjigje)
- Lumi më i gjatë në Shqipëri? – “Vjosa.”
- Cili instrument muzikor u fut në UNESCO si trashëgimi kulturore? – “Flauti.”
Rogerti
- Në cilin qytet ndodhet Muzeu i Luvrit? – “Hajt po them Gjirokastra.”
Juela
- Kush është autori i “Gjenerali i Ushtrisë së vdekur”? – “Nuk ja kam idenë.”
- Cili është emri i vërtetë i Nënë Terezës? – “Gonxhe Gajdexhiu.”
Miri
- Cili është emri i vërtetë i Nënë Terezës? – “Maria Tereza.”
Mali
- Cili është mali më i lartë në Shqipëri? – “Unë jo.”
Shendriti
- Në cilin kontinent ndodhet Egjipti? – “Azi.”
Artani
- Cili planet njihet si planeti i kuq? – “Saturni.”
Edisa
- Cili është lumi më i gjatë në Shqipëri? – “Erzeni.”
- Në cilin vit u shpall pavarësia e Kosovës? – “2015.”
Momentet janë bërë virale në rrjete sociale, ku përdoruesit kanë reaguar me humor, por edhe me shqetësim për nivelin e njohurive të figurave që shpesh kthehen në personazhe publike shumë të ndjekura. Për shumë komentues, kjo sfidë nuk ishte vetëm një moment televiziv, por një pasqyrë ironike e një realiteti kulturor që meriton më shumë reflektim.
