Një helikopter u rrëzua në malin Mount Kilimanjaro në Tanzani, duke shkaktuar vdekjen e pesë personave, njoftuan autoritetet e aviacionit civil.
Aksidenti ndodhi pranë kampit Barafu, një nga pikat më të larta të ngjitjes drejt majës së malit.
Mediat lokale Mwananchi dhe East Africa TV, duke cituar shefin e policisë së rajonit Kilimanjaro, Simon Maigwa, raportuan se helikopteri ishte duke kryer një mision mjekësor shpëtimi në momentin e rrëzimit.
Mes viktimave ndodheshin një guidë malore, një mjek, piloti dhe dy turistë të huaj, ndërsa autoritetet nuk kanë bërë të ditur kombësinë e turistëve.
Mali Kilimanxharo, maja më e lartë e Afrikës, arrin një lartësi gati 6,000 metra mbi nivelin e detit. Sipas raportimeve, aksidenti ndodhi në një lartësi midis 4,670 dhe 4,700 metrash.
Çdo vit, rreth 50,000 turistë nga e gjithë bota tentojnë ngjitjen në këtë mal ikonë të kontinentit afrikan.
(Burimi: Reuters)
