Presidenti i SHBA-së, Donald Trump, ka lëshuar një kërcënim të drejtpërdrejtë ndaj Iranit, duke i dhënë afat 48 orë për të rihapur Ngushticën e Hormuzit.
Në një postim në rrjetin social Truth Social, Trump paralajmëroi se nëse Irani nuk e hap plotësisht dhe pa kërcënime këtë korridor strategjik, SHBA do të ndërmarrë sulme të rënda ndaj infrastrukturës energjetike iraniane.
“Nëse Irani nuk e hap PLOTËSISHT, PA KËRCËNIME, Ngushticën e Hormuzit brenda 48 orëve nga ky moment, Shtetet e Bashkuara do të godasin dhe shkatërrojnë centralet e tyre energjetike, duke nisur nga më i madhi”, shkroi Trump.
Deklarata e tij vjen në një moment tensioni të lartë në Lindjen e Mesme, ku Ngushtica e Hormuzit – një nga rrugët më të rëndësishme të transportit të naftës në botë – mbetet e bllokuar dhe nën kërcënim.
Ky ultimatum shihet si një përshkallëzim i mëtejshëm i konfliktit, që mund të ketë pasoja të mëdha për sigurinë globale dhe tregjet energjetike.
