Java e modës me “Xixa”

Modelja Kaia Gerber dhe nëna e saj supermodelja Cindy Crawford u shfaqën shkëlqyeshëm në galanë e mbajtur në County Museum of Art në Los Angeles (USA), të veshura me nga një fustan të “xixëlluar” nga Gucci — sponsori zyrtar i mbrëmjes.

Gucci përfitoi shumë nga “xixëllonjat” e tjera që shoqëruan ekshibicionin e modeleve nënë e bijë, sepse veshjet e tij u ekspozuan nga divat si: Salma Hayek, Doja Cat, Iris Law, Angela Bassett, Alex Consani, Emma Roberts, Vittoria Cerretti apo Demi Moore.

Fustani me xixa? Mos e shpërfillni këtë klishe për veshjet e festave që po vijnë. Është vërtet rival i denjë i modës së lartë ky lloj fustani. I përballueshëm, i arritshëm dhe i ofruar nga shumë marka të tregut masiv popullor – me siguri që shumica e grave do ta kenë veshur së paku një herë në jetën e tyre – fustanin me xixa.

Megjithëse sot duken si veshje jo shumë të shtrenjta, dikur fustanet me xixa ishin shenja të luksit ekstrem. Këtë e tregon “Shegu” i parë, që daton në Egjiptin e lashtë, e gjetur nga arkeologët në varrin e Tutankhamunit rreth vitit 1922. Copëza të vogla ari ishin ngjitur në ca disqe të vegjël, të qepura në rrobat e Mbretit Tut. Një portret nga viti 1620 i një gruaje të pasur angleze të quajtur Margaret Layton, e tregon atë të veshur me një xhaketë të qëndisur verbuese me mijëra “shegu” të vegjël të bërë nga argjendi, ari dhe aliazhet e bakrit.

Fustani i sotëm me xixa i Gucci-t ka të ngjarë të ketë shumë ngjashmëri me xhaketën e zbukuruar me aliazh të Layton.

Moda e lartë luksoze e pasarelave – në rastin e fustanit me xixa – mund të futet në pasarelat e shtëpive të të gjitha vajzave dhe grave në botë.

Ankesat ndaj modës së shtrenjtë e të paarritshme luksoze në vitet e fundit, që me çmimet astronomike ka larguar klientët normalë – te fustani me xixa do gjejnë zgjidhjen e futur në elegancë dhe ekonomi.

Fustani me xixa është i lehtë për t’u pranuar në shije, i thjeshtë, modest sa dhe i këndshëm. Por ai kërkon shumë vëmendje: Në çdo event fustani kërkon 30,000 kristale Swarovski të cilat duhet të ngjiten dhe zbukurohen me dorë.

Dhe ashtu si Gucci thotë: mos u mendoni shumë të gjeni diçka super të veçantë për të veshur. Kapni një fustan me shumë shkëlqim dhe me të çdo gjë mbyllet me sukses. Fustani me xixa është zgjidhja më e thjeshtë për çdo shije.

(Burimi: CNN)