Pёrfundon në Kosovë procesi i votimit ku mbi 1 milionë e 316 mijë qytetarë të Kosovës me të drejtën e votës, pjesë e procesit të dytë zgjedhor, për zgjedhjen e kryetarëve të 18 komunave kanё votuar tё preferuarin e tyre.
Krahasuar me raundin e parë të zgjedhjeve lokale të mbajtura më 12 tetor, pjesëmarrja është më e ulët.
Raundi i parë i 12 tetorit, dërgoi në balotazh 18 komuna: Prishtinë, Prizren, Gjakovë, Gjilan, Dragash, Kaçanik, Klinë, Fushë-Kosovë, Mitrovicë e Jugut, Obiliq, Rahovec, Pejë, Suharekë, Viti, Vushtrri, Junik, Mamushë e Kllokot.
Gara u zhvillua mes dy kryetarëve më të votuar nga raundi i parë i zgjedhjeve lokale, por që nuk arritën të siguronin më shumë se 50% të votave.
Në raundin e balotazhit partia që hyri në më shumë komuna si forcë e parë ishte Lëvizja Demokratike e Kosovës (LDK) me 6 të tilla, Aleanca për Aardhmërinë e Kosovës (AAK) në 4 dhe Partia Demokratike e Kosovës (PDK) me Lëvizja Vetëvendosje (LVV) në 3 komuna.
Garat më të forta konsiderohen ato për Prishtinën dhe Prizrenin. Për Prishtinën, garon kryetari aktual i LDK, Përparim Rama, dhe kandidati i LVV, Hajrulla Çeku. Në Prizren, Shaqir Totaj i PDK përballet me Artan Abrashin e Vetëvendosjes. PDK do mbështetet nga LDK sipas një marrëveshjeje.
