Nga 12 deri më 16 nëntor, Pallati i Kongreseve në Tiranë do të presë Panairin e 28-të të Librit, një nga ngjarjet më të mëdha kulturore të vitit.
Panairi sjell në një vend botues, autorë dhe lexues nga e gjithë Shqipëria dhe rajoni. Gjatë pesë ditëve do të ketë promovime librash, takime me shkrimtarë, nënshkrime autografësh dhe shumë aktivitete që lidhen me letërsinë dhe kulturën.
Kjo është java më e mirë për të zbuluar botime të reja, për të gjetur libra me çmime të reduktuara dhe për t’u afruar më shumë me botën e leximit.
Në një kohë ku gjithçka ndodh me nxitim, Panairi i Librit ofron mundësinë për t’u ndalur pak dhe për t’u rikthyer te libri – shoku më i mirë i çdo kohe.
