Aplikacioni që ju lejon të flisni me të dashurit tuaj të vdekur
Ish-ylli i Disney-t, Calum Worthy, është kritikuar ashpër për aplikacionin e tij që përdor inteligjencën artificiale (IA) për të krijuar avatarë të të dashurve të vdekur.
Në një postim në X, Worthy, 34 vjeç, ndau një reklamë shqetësuese për aplikacionin, duke shkruar: “Po sikur të dashurit që kemi humbur të mund të jenë pjesë e së ardhmes sonë?”
Z.Worthy, i cili luajti rolin e Dez Wade në serialin e Disney Channel, Austin & Ally, shtoi se kompania e tij, e bashkëthemeluar me producentin e Hollivudit, Russell Geyser, po “ndërton një arkiv të gjallë të njerëzimit”.
Reklama kontroverse tregon një grua shtatzënë duke folur me një rekreacion të inteligjencës artificiale të nënës së saj të ndjerë përmes aplikacionit, i cili titullohet “2wai”.
Videoja më pas kalon shumё mё thellё në kohë, duke treguar “gjyshen” duke i lexuar një përrallë djalit të porsalindur, duke folur me të ndërsa kthehen nga shkolla, duke diskutuar lindjen e fëmijës së tyre.
Së fundmi, videoja tregon njё grua duke bërë një regjistrim të shkurtër të nënës së saj për të krijuar avatarin dixhital, siç thotë reklama: “Me 2wai, tre minuta mund të zgjasin përgjithmonë”.
Përdoruesit e mediave sociale janë indinjuar shumё nga kjo shpikje, duke e quajtur atë “objektivisht një nga idetë më të këqija të imagjinueshme”. Shumë veta i kanë gjetur pasojat e kësaj teknologjie thelbësisht të tmerrshme, ndёrsa një komentues e përshkroi aplikacionin si “demoniak, të pandershëm dhe çnjerëzor”.
Ekspertët paralajmërojnë se “robotët e vdekur” mund t’ju përndjekin
Studiues nga Universiteti i Kembrixhit kanë paralajmëruar se, këta të ashtuquajtur “robotë të vdekur” mund të shkaktojnë dëm psikologjik dhe madje t’i “ndjekin” në mënyrë dixhitale ata që kanë mbetur pas.
Në studimin e tyre, specialistët në Qendrën Leverhulme për të Ardhmen e Inteligjencës në Kembrixh shqyrtuan tre skenarë hipotetikë që ka të ngjarë të shfaqen si pjesë e “industrisë dixhitale të jetës së përtejme” me rritje të shpejtë.
Së pari, autorët paralajmërojnë se robotët mund të përdoren për të reklamuar fshehurazi produkte nga përtej varrit ose urnës së kremimit.
Së dyti, ata mund t’i shqetësojnë fëmijët duke këmbëngulur se një prind i vdekur është ende “me ju”.
Dhe së fundmi, të ndjerit mund të përdoren për t’u dërguar mesazhe të padëshiruara familjes dhe miqve tё mbijetuar me kujtesa dhe përditësime në lidhje me shërbimet që ofrojnë – një skenar që ata e përshkruajnë si “pёrndjekje nga të vdekurit”.
Pas një periudhe fillestare rehatie, aplikacioni mund të fillojë ta bezdisë përdoruesin, si për shembull, duke imituar porositjen nga shërbimet e shpërndarjes së ushqimit me zërin dhe stilin e të vdekurit qe s’ёshtё mё.
“Këto shërbime rrezikojnë të shkaktojnë shqetësim të madh tek njerëzit nëse ata i nënshtrohen përndjekjeve të padëshiruara dixhitale nga rikrijime alarmante e të sakta të inteligjencës artificiale të atyre që kanë vdekur”, tha bashkautori Dr. Tomasz Hollanek.
“Efekti i mundshëm psikologjik, veçanërisht në një kohë tashmë të vështirë, mund të jetë shkatërrues.”
(Burim: Daily Mail)
