Paradoks: Shqipëria u konsiderua para dy ditësh nga Fondi Monetar Ndërkombëtar se është një ndër vendet me rritjen më të lartë ekonomike në Europë. Nga një rritje 3.4%, 3.5% dy vitet e fundit, parashikon një rritje prej 3.6% në vitin 2026. E megjithatë, ka një etje për t’u larguar, emigruar për në vendet e Europës nga shqiptarët, pikërisht në dy vitet e fundit, e në veçanti me destinacion shtetin gjerman.
E kundërta po ndodh në Gjermani. UNICEF deklaron se “Fëmijët gjermanë janë të varfër dhe të lënë pas dore”.Gjermania është e pasur, por fëmijët e saj janë të varfër.
UNICEF publikoi një raport më 12 nëntor: gati 1.3 milionë fëmijë në Gjermani nuk kanë ku të bëjnë detyrat e shtëpisë, nuk kanë para për vakte të ngrohta dhe nuk kanë mundësi të marrin pjesë në sporte me bashkëmoshatarët e tyre.
Sipas ekspertëve ekonomikë gjermanë, ekonomia gjermane ka ngecur. Nuk do të ketë rritje në vitin 2026 (pritet vetëm 0.9%).Në vitin 2025, rritja do të jetë pothuajse zero (0.2%); ekspertët tregojnë për investime të pamjaftueshme në arsim.
Qeveria “Merz” propozon një reformë të taksave të trashëgimisë për të pasurit. Stanjacioni ekonomik gjerman ka sjellë disa probleme për disa biznese. Inflacioni ra në 2.3%, por pronarët e bizneseve të vogla kanë frikë nga falimentimi. Frika e biznesit sjell pasiguri në shoqëri, frikë që reflektohet në pjesën më të pambrojtur të shoqërisë, te shtresat vulnerabël, si janë fëmijët.
(Burimi: Berlino Magazine)
