Sarah Paulson ka bërë një batutë të bujshme në serialin “All’s Fair”, duke ironizuar obsesionin e reperit Sean “Diddy” Combs me vajin hidratues për bebe dhe të ashtuquajturat “Freak-Offs”, festat e tij të famshme të përfolura.
Në episodin e së martës, personazhi i Paulson, avokatja Carrington Lane, takohet me klientin e saj Chase Munroe (Matthew Noszka), i cili po divorcohet nga personazhi që luan Kim Kardashian, Allura Grant. Gjatë një shkëmbimi batutash, Lane komenton pamjen e Munroe dhe flokët e tij të lyer me shkëlqim. “Më vjen keq, duhet të jem e sinqertë. Çfarë po ndodh me flokët e tua? Përkrenaren tënde të mallkuar me yndyrë. Duket si një njollë nafte”, thotë ajo. Kur Munroe e mbron veten duke thënë se i lan flokët rregullisht, Paulson ia kthen me humor: “Me çfarë? Vaj për bebe të mbetur nga një ‘Freak-Off’ i Diddy-t?”
Page Six raporton se ka kontaktuar përfaqësuesit e Combs për koment, por ende pa përgjigje. Vaji për bebe është përmendur gjerësisht në dëshmitë dhe provat e mbledhura rreth festave kontroverse të Combs, të përshkruara si ngjarje të mbushura me seks dhe drogë, ku merrnin pjesë të dashurat dhe shoqëruesit e tij meshkuj.
Kur Siguria Kombëtare bastisi shtëpitë e Combs në Miami dhe Los Angeles në mars 2024, autoritetet konfiskuan më shumë se 1.000 shishe me vaj për bebe dhe lubrifikantë. Më vonë, prokurorët publikuan foto të marra nga bastisjet në të cilat dallohej dhoma e hotelit ku ai u arrestua, e mbushur me shishe të mëdha dhe të vogla vaj për bebe Johnson & Johnson, si dhe lubrifikantë Astroglide të vendosur nëpër sirtarë dhe rafte. Në qershor u publikuan gjithashtu foto nga bastisjet e FBI-së që tregonin furnizimet e shumta të Combs me vaj dhe lubrifikantë në dollapë.
Pas lirimit të tij nga akuzat më të rënda, fansa të reperit u shfaqën jashtë gjykatës federale të Manhattanit të lyera me vaj për bebe si akt simbolik mbështetjeje. Në korrik, Combs, 56 vjeç, u shpall i pafajshëm për dy akuza të rënda për trafikim seksual me forcë, mashtrim ose shtrëngim dhe për konspiracion me shantazh, por u dënua për dy akuza për prostitucion. Ai është dënuar me 50 muaj burg.
(Burimi: Page Six)
