Në një zhvillim të rëndësishëm në Shqipëri, Belinda Balluku është pezulluar nga detyra si Zëvendëskryeministre dhe Ministre e Infrastrukturës dhe Energjisë.
Vendimi u mor nga Gjykata e Posaçme Kundër Korrupsionit dhe Krimit të Organizuar (GJKKO), dhe përfshin edhe ndalim të daljes jashtë vendit për Ballukun.
Hetimi ndaj saj është zhvilluar nga Prokuroria e Posaçme Kundër Korrupsionit dhe Krimit të Organizuar (SPAK), në kuadër të një çështjeje që dyshohet të përfshijë shkelje të barazisë së pjesëmarrësve në tendera publikë—veçanërisht për projektin infrastrukturor të njohur si “Tuneli i Llogarasë”.
Balluku ishte regjistruar tashmë si person nën hetim për veprën penale “Shkelje e barazisë së pjesëmarrësve në tenderë ose ankande publike”, të kryer në bashkëpunim dhe pritej lëvizja e rradhës e SPAK.
Ndërkohë, deri dje përfaqësues nga mazhoranca deklaronin se nuk bënin komente mbi çështje që ndodhen në proces hetimi, por nuk dihet nëse për zhvillimim e sotëm do të mbajnë ndonjë qëndrim.
Ky vendim rrëzon një prej figurave kryesore të qeverisë dhe përbën një moment thelbësor në përpjekjet publike për të luftuar korrupsionin në nivele të larta të shtetit.
Vetë Balluku ka reaguar duke thënë se pret drejtësi të pavarur, ndërsa opozita e ka cilësuar rastin si provë për faktin nëse institucionet e drejtësisë në vend do të jenë vërtet të paanshme.
Për qytetarët, ky është një test për kredibilitetin publik dhe funksionimin e sistemit të drejtësisë në Shqipëri.
