Një studim i ri ka zbuluar se inflamacioni i vazhdueshëm i trurit është një nga arsyet kryesore pse sëmundja e Parkinsonit përparon me shpejtësi. Studiuesit thonë se një proteinë e quajtur alfa-sinukleinë është “pika e dobët” e sëmundjes – kur ajo grumbullohet në tru, shkakton një reaksion inflamator që dëmton qelizat nervore.
Këtë e treguan me anë të një skaneri PET shumë modern, ku u vu re një aktivizim i fortë i mikroglisë – qelizave mbrojtëse të trurit – tek pacientët me Parkinson. Ky inflamacion lidhet drejtpërdrejt me përkeqësimin e simptomave si dridhjet, ngurtësimi i muskujve, ngadalësimi i lëvizjeve, por edhe me simptoma të tjera të hershme si lodhja, depresioni dhe çrregullimet e gjumit.
Sipas studiuesve, një substancë natyrale që prodhohet nga trupi – Palmitoylethanolamide (PEA) – mund të ndihmojë në uljen e inflamacionit dhe të parandalojë grumbullimin e proteinës alfa-sinukleinë, sidomos kur kombinohet me antioksidantë të veçantë. Kjo mund të hapë rrugën për trajtime të reja që jo vetëm lehtësojnë simptomat, por mund të ngadalësojnë vetë përparimin e sëmundjes.
Shkencëtarët thonë se ndërhyrja në fazat e hershme mund të përmirësojë ndjeshëm cilësinë e jetës së pacientëve.
