Nëse po mendoni të zgjeroni familjen tuaj dhe të shtoni një kafshë shtëpiake në shtëpi, analiza e karakteristikave të caktuara, specifike për secilën shenjë, mund t’ju ndihmojë të përcaktoni më mirë zgjedhjen tuaj.
Dashi (21 Mars – 20 Prill)
Energjik dhe sportiv, Dashi ka nevojë për kafshë aktive. Qentë si Terrier, Setter Irlandez, Cocker Spaniel apo Doberman janë perfektë për vrapime dhe aventura. Madje edhe një kalë do t’i shkonte për mrekulli, nëse ka kushte për t’u kujdesur.
Demi (21 Prill – 21 Maj)
Demi kërkon qetësi dhe stabilitet, ndaj qentë e butë e të urtë janë zgjedhja ideale: Collie, Boxer apo Great Dane. Janë besnikë, të dashur dhe të durueshëm me fëmijët.
Binjakët (22 Maj – 22 Qershor)
Të gjallë e komunikues, Binjakët kërkojnë kafshë lozonjare. Macja Siameze është një zgjedhje perfekte, po ashtu qentë Dalmat, Doberman dhe Bariu Gjerman.
Gaforrja (23 Qershor – 23 Korrik)
Kafshë të qeta dhe familjare. St. Bernard është ideal, por edhe Beagle dhe Bulldog shkojnë shumë me natyrën e tyre të ndjeshme. Edhe peshqit mund të jenë një zgjedhje relaksuese.
Luani (24 Korrik – 23 Gusht)
Luanët duan kafshë që spikatin. Macet Siameze dhe Angora, ose qentë Bariu Gjerman dhe Setter Irlandez janë zgjedhje me personalitet të fortë – ashtu si vetë Luani.
Virgjëresha (24 Gusht – 23 Shtator)
Shenjat praktike duan rend dhe qetësi. Qentë Poodle, Cavalier King Charles Spaniel, Maltese dhe Yorkshire Terrier përshtaten në mënyrë të përkryer në një shtëpi të organizuar.
Peshorja (24 Shtator – 23 Tetor)
Elegantë dhe të ekuilibruar, Peshoret shkojnë me kafshë po aq të rafinuara: Cocker Spaniel, Poodle ose një Beagle të butë dhe të dashur.
Akrepi (24 Tetor – 22 Nëntor)
Shenjat misterioze të Akrepit tërhiqen nga kafshë të pazakonta: gjarpërinj, peshq ekzotikë apo kafshë që kërkojnë kujdes specifik. Ndër qentë, Cocker Spaniel sjell energjinë lozonjare dhe mbrojtëse që Akrepit i pëlqen.
Shigjetari (23 Nëntor – 21 Dhjetor)
Është shenja e aventurës, ndaj kërkon qen të mëdhenj dhe të qetë për shëtitje e udhëtime: Bariu Gjerman, Labrador, Newfoundland dhe Doberman janë idealë.
Bricjapi (22 Dhjetor – 20 Janar)
I qetë dhe i matur, Bricjapi përshtatet me macet Persiane apo Maltese, si edhe me qen të vegjël si Pekinezi. Kafshë që respektojnë ritmin e tij të përmbajtur.
Ujori (21 Janar – 19 Shkurt)
Kreativ dhe i pazakontë, Ujori pëlqen kafshë ekzotike – nga gjarpërinjtë te hamsterët – por lidhet po aq fort edhe me qentë Labrador, Golden Retriever ose Bullmastiff.
Peshqit (20 Shkurt – 20 Mars)
Shpirtra të butë e plot fantazi, Peshqit do të donin një mini-kopsht zoologjik në shtëpi. Qentë si Westie, Maltese, Schnauzer, Pomeranian, Yorkshire Terrier dhe Greyhound i përshtaten për mrekulli.
