Me afrimin e ditëve festive, vëmendja zhvendoset tek detajet që bëjnë diferencën. Veshja mund të jetë e thjeshtë, por aksesorët e duhur për flokët kanë fuqinë ta shndërrojnë menjëherë pamjen në diçka të veçantë. Këtë sezon, trendet sjellin elegancë, shkëlqim dhe një dozë romantike, duke i kthyer aksesorët e flokëve në protagonistë të vërtetë të stilit.
Nga elementët klasikë të rishpikur, deri tek dizajnet moderne me gurë dhe kristale, ja cilat janë zgjedhjet më ‘chic’ për t’u vendosur gjatë festave:
Shirita të zbukuruar me kristale
Të rafinuar dhe elegantë, këta shirita janë idealë për të shtuar shkëlqim edhe në stilin më minimalist. Perfektë si për flokë të lëshuar, ashtu edhe për modele të mbledhura.
Kurora me perla
Një simbol i finesës dhe feminitetit. Kurorat me perla i japin pamjes një prekje romantike dhe janë zgjedhja ideale për festa formale apo darka elegante.
Aksesorë velvet me detaje shkëlqyese
Materiali velvet rikthehet fuqishëm këtë sezon, i kombinuar me kristale ose gurë dekorativë, duke sjellë një ndjesi ‘retro’ dhe shumë shkëlqim.
Kapse të mëdha me gurë
Të guximshme dhe tërheqëse, këto aksesorë janë perfekte për mbrëmjet festive kur dëshironi që pamja juaj të mos kalojë pa u vënë re.
Rrathë për flokët me elemente dekorative
Ideale për evente speciale, këta aksesorë i shtojnë flokëve një efekt luksoz dhe e bëjnë çdo stil më të sofistikuar.
Sezoni festiv është momenti ideal për të eksperimentuar me shkëlqimin dhe detajet. Një aksesor i zgjedhur me kujdes mund të jetë prekja finale që e bën pamjen tuaj të paharrueshme.
