Nëse kërkon një vend ku të pushosh mendjen dhe trupin, larg trafikut, zhurmës dhe ritmit të shpejtë të qytetit, Giethoorn në Holandë është zgjidhja ideale. Ky fshat piktoresk është një nga vendet e rralla në Evropë ku nuk ka makina fare – vetëm kanale me ujë, ura të vogla dhe shtigje për biçikleta.
I njohur si “Venecia e Veriut”, Giethoorn është bërë virale në rrjetet sociale për pamjet e tij përrallore dhe mënyrën unike të jetesës. Transporti bëhet vetëm me varka të vogla elektrike ose në këmbë. Banesat janë shtëpi tradicionale me çati kashte, të rrethuara nga gjelbërim dhe lule.
Vizitorët e përshkruajnë si një parajsë e qetësisë, ku koha duket se ka ndalur. Ky destinacion është gjithnjë e më i preferuar për çiftet dhe familjet që kërkojnë një eksperiencë ndryshe, larg rrëmujës së turizmit masiv.
Në një botë ku gjithçka është me nxitim, Giethoorn është një kujtesë e bukur se thjeshtësia është luks.
