Në orët e para të këtij mëngjesi, ushtria amerikane kreu një sulm në shkallë të gjerë në Karakas, kryeqytetin e Venezuelës.
Presidenti i SHBA-së Donald Trump, konfirmoi sulmin dhe tha se “do ketë detaje të mëtejshme që do të vijnë më pas“.
Një seri shpërthimesh konfirmohen se ndodhën në Karakas dhe disa zona të qytetit mbetën pa energji elektrike. Sulmi i parë ajror u regjistrua afërsisht në orën 1:50 të mëngjesit sipas orës lokale të Venezuelës.
Ky sulm nuk vjen si një rrufe në qiell të pastër. Trump ka paralajmëruar vazhdimisht se SHBA-të po përgatiten të ndërmarrin veprime ushtarake të ashpra kundër rrjeteve të dyshuara të trafikimit të drogës në Venezuelë, që udhëhiqen nga presidenti Maduro.
