Një histori e rrëfyer në rubrikën e famshme britanike “Dear Deidre” në The Sun ka ngjallur reagime të shumta, pasi prek një situatë të njohur për shumë njerëz: kur një lidhje e fshehtë në punë kthehet në plagë emocionale.
Gruaja, 30 vjeçe, tregon se gjithçka nisi kur shefi i saj – 42 vjeç, karizmatik por jo “tipi i saj i zakonshëm” – filloi ta shikonte më gjatë se ç’duhej dhe flirtimi u bë pjesë e përditshmërisë në zyrë. Në atë periudhë, lidhja e saj me të dashurin po ftohej, dhe vëmendja e shefit u kthye në ngushëllim.
Një mbrëmje, pasi qëndruan vonë në zyrë për punë, ai iu afrua dhe situata mori tjetër drejtim. Ajo pranon se kimia mes tyre ishte e fortë dhe pas kësaj nisën të takoheshin shpesh jashtë punës. “Mendova se po shkonim drejt një lidhjeje,” rrëfen ajo.
Por realiteti doli krejt tjetër. Gjatë një darke, kur ajo tentoi të fliste për të ardhmen, ai u përgjigj ftohtë: “Jemi thjesht miq me përfitime, apo jo?”
Kur ajo i tha se mendonte se ishin më shumë se kaq, ai ia preu shkurt: “Ne punojmë bashkë.”
Që prej asaj nate, marrëdhënia intime u ndërpre. Ajo thotë se tani e shmang në zyrë dhe përpiqet tё sillet nё mёnyrё profesionale, ndërsa ai sillet sikur s’ka ndodhur asgjë. Më vonë zbuloi se ai është kthyer te ish-partnerja, gjë që e ka lënduar edhe më shumë.
“E dua ende, por e di që ai nuk më sheh pёr diҫka mё shumё. Ndihem shumë e lënduar,” shkruan ajo.
Psikologёt e këshillojnё të mos e fajësojë veten. Sipas tyre, burri ka përdorur situatën për kënaqësi pa marrë përgjegjësi emocionale. Këshilla është e qartë: të vendosë kufij të fortë, të shmangë çdo situatë personale me të dhe, nëse është e nevojshme, të kërkojë edhe një vend tjetër pune për të mbrojtur veten.
Një histori që shërben si paralajmërim: kur ndjenjat përzihen me hierarkinë në punë, shpesh njëra palë del e lënduar.
(Burimi: The Sun)
