Kryebashkiaku i Tiranës, Erion Veliaj, del nesër (e dielë) në orën 09:00 para gjyqtares së GJKKO, Etleva Deda.
Ai do sillet nga Drejtoria e Përgjithshme e Burgjeve i siguruar në masa të rrepta sigurie dhe ka zgjedhur të jetë vetëm – pa avokat – para gjyqtares Deda.
Veliaj ka depozituar vetëm një ditë më parë (e premte) një kërkesë për zëvendësimin e masës së sigurisë arrest me burg në GJKKO. Megjithëse afati i shqyrtimit të kësaj tipologjie kërkese është pesë ditë, vendimi i gjyqtares “sot për nesër” jep shkas për të diskutuar për vendimin e saj.
Kujtojmë se, Erion Veliaj u arrestua më 10 shkurt të vitit 2025 dhe mbi të u drejtuan shumë akuza nga SPAK, përfaqësuar nga Ols Dado dhe Altin Dumani. Akuzat ndaj tij janë për vepra penale si shpërdorim detyre, pastrim i produkteve të veprës penale, korrupsion, mosdeklarim i pasurisë dhe futja e sendeve të ndaluara në qeli, bënë që Veliaj ta kalonte pothuajse një vit në paraburgim, pavarësisht kërkesave të tij të shumta për të vazhduar gjykimin në ‘liri’.
Erion Veliaj është ende kryetar bashkie i Tiranës pavarësisht shkarkimit të tij nga “Qeveria” e Bashkisë Tiranë dhe Këshilli i Ministrave, për shkak të vendimit të Gjykatës Kushtetuese shpallur në datë 12.1.2026.
Në datë 2 shkurt, një ditë më pas, Veliaj do dalë para GJKKO, për një seancë që lidhet me gjykimin dhe akuzat e tij, proces që po zvarritet dhe shtyhet prej disa muajsh për shkaqe procedure.
Nesër dhe pasnesër, do zhvillohen dy seanca të rëndësishme për ecurinë e çështjes “Veliaj”. Pyetja për nesër është:
A do e fitojë “lirinë” në orën 09:00 Erjon Veliaj – apo përsëri do kthehet me policë e me pranga në IEVP-Durrës?
Përgjigje që i jep një rrjedhë tjetër jo vetëm gjykimit ndaj tij, por edhe shumë ngjarjeve të tjera politike dhe juridike në vend.
