Një komision i Parlamentit Evropian ka propozuar ndalimin e aksesit në mediat sociale dhe shërbimet online të inteligjencës artificiale për fëmijët nën 16 vjeç pa pëlqimin e prindërve të tyre, për shkak të rreziqeve që ato paraqesin për shëndetin dhe sigurinë e tyre.
“Eurodeputetët propozojnë vendosjen e një moshe minimale në të gjithë BE-në prej 16 vjeç për akses në mediat sociale, platformat e videove dhe asistentët e IA (inteligjencës artificiale), përveçse nëse ka pëlqimin e prindërve dhe një moshe minimale prej 13 vjeç për akses në çdo rrjet social”, – thuhet në një deklaratë të Parlamentit Evropian.
Eurodeputetët theksuan rreziqet që lidhen me varësinë, shëndetin mendor dhe ekspozimin ndaj materialeve të dëmshme dhe të paligjshme për të justifikuar propozimin e tyre.
Propozimi, i paraqitur nga eurodeputetja daneze Kristel Saldemose, u miratua me shumicë të madhe në Komitetin e Tregut të Brendshëm dhe Mbrojtjes së Konsumatorit. Ai do t’u dorëzohet të gjithë eurodeputetëve në fund të nëntorit.
27 shtetet anëtare të BE-së janë të ndara për këtë çështje, por ideja e miratimit të një moshe digjitale të të rriturve duket se po fiton terren.
(Burimi: CNA)
