Një mbrëmje për t’u harruar për tifozët e shumtë mbledhur në Etihad Arena të Abu Dhabit. Ndeshja për titullin botëror të peshave të rënda të UFC-së, ndërmjet anglezit Tom Aspinall dhe francezit Ciryl Gane, përfundoi pa përfunduar dhe pa rezultat, që në gjuhën e sportit emërtohet “no contest”.
Në fund të raundit të parë 5-minutësh, Gane preku me dy gishta sytë e Aspinall, duke shkaktuar ndërprerjen e ndeshjes për shkak se kundërshtari nuk mund të shihte më qartë nga njëri sy.
Arbitri i ndeshjes e ndërpreu dyluftimin pasi u këshillua me mjekun e oktagonit, i cili e këshilloi ta mbyllte menjëherë ndeshjen.
Tifozët e shumtë u zhgënjyen sepse prisnin një “hero” të ri të peshave të rënda në UFC 321, pasi kurora e mbretit të kësaj peshe është dorëzuar së fundi nga sportisti më i përfolur i UFC, Jon “Bones” Jones, i cili nuk i dha mundësi Aspinallit të ndeshej me të, pasi e konsideron të padenjë për arritjet dhe rëndësinë e tij si sportist i UFC.
Jon Jones konsiderohet si sportisti absolut i të gjitha divizioneve dhe peshave të UFC, pasi mbylli karrierën me 28 fitore dhe asnjë humbje.
