E shtuna ishte si një ëndërr e realizuar për boksierin britanik të peshave të rënda, Fabio Wardley, i cili arriti fitoren më të madhe të karrierës së tij kundër kampionit neozelandez, Joseph Parker.
Wardley pas kësaj fitoreje, i krijoi vetes një shans për të marrë të gjithë rripat dhe titujt botërorë që mbahen nga absoluti ukrainas, Oleksandr Usyk.
Në një ndeshje emocionuese në O2 Arena të Londrës, Wardley, anglezi i panjohur nga Ipswich, shokoi të gjithë ‘botën’ e boksit, kur në raundin e 11-të shpërtheu me goditje të panumërta ndaj Parkerit dhe e detyroi gjyqtarin të ndalonte vazhdimin e ndeshjes, megjithëse Joseph Parker donte të vijonte dyluftimin.
Federata e boksit WBO, tashmë ka një kampion të ri me rripin përkatës, Fabio Wardley, i cili kërkon të sfidojë pas ndalimit të Parkerit, Usyk, kampionin e padiskutueshëm botëror të peshave të rënda.
A do ndeshet Oleksandr Usyk me kampionin e papritur të WBO, Fabio Wardley? Kjo është pyetja që do i mundojë edhe disa javë, boksdashësit e shumtë nëpër botë.
