Kuvendi i Shqipërisë pritet të mblidhet sot në orën 10:00 në një seancë plenare me një çështje të vetme në rend dite: shqyrtimin e projektvendimit për kërkesën “Për shkarkimin e Kryetarit të Kuvendit të Shqipërisë, zotit Niko Peleshi”.
Sipas urdhrit nr. 25, datë 28 tetor 2025, të firmosur nga vetë kryetari i Kuvendit, seanca zhvillohet në përputhje me nenin 7 dhe 114 të Rregullores së Kuvendit.
Në dokument përcaktohet që shërbimet e Kuvendit janë ngarkuar për publikimin e rendit të ditës dhe njoftimin e deputetëve nëpërmjet mjeteve elektronike të komunikimit.
Kjo seancë pritet të jetë sërish e tensionuar, pasi diskutimi për shkarkimin e kreut të Kuvendit vjen pas debateve politike të ditëve të fundit në lidhje me rolin dhe vendimmarrjet e tij.
Votimi përfundimtar për fatin e z. Peleshi pritet të zhvillohet gjatë së njëjtës seancë.
