Këngëtari shkodran Alis është shpallur fitues i Festivalit të 64-të të Këngës në RTSH me këngën “Nan”, duke siguruar kështu të drejtën për të përfaqësuar Shqipërinë në Evrovizion 2026, që do të zhvillohet në Vjenë, Austri.
Finalja u shënua nga një performancë e fuqishme e artistit, e cila u prit me entuziazëm të madh nga publiku dhe u vlerësua maksimalisht edhe nga juria profesionale. Interpretimi vokal dhe mesazhi i këngës u konsideruan si elementët kyç që e veçuan Alisin nga konkurrentët e tjerë.
Në përfundim të votimit, Alis grumbulloi 152 pikë nga kombinimi i votave të publikut dhe jurisë. Pas tij u rendit Inis Neziri me 102 pikë, ndërsa vendin e tretë e zuri Sheila me 93 pikë.
Fitorja e Alisit shënon një moment të rëndësishëm për skenën muzikore shqiptare dhe ngre pritshmëritë për paraqitjen e Shqipërisë në skenën evropiane të Evrovizionit vitin e ardhshëm.
