Në kohën kur poshtë Gjykatës së Lartë studentët po marshonin në protestën e ditës së katërt, brenda saj po zhvillohej ceremonia zyrtare e marrjes së detyrës së kryetarit të ri të kësaj gjykate, Ilir Panda.
Sokol Sadushi pas gjashtë vitesh në drejtim të Gjykatës së Lartë, e dorëzoi detyrën duke mbajtur një fjalim “mallëngjyes” për rrugëtimin 2020-2026.
Fjala e Sokol Sadushit dëgjohej bashkë me thirrjet e protestuesve jashtë gjykatës “Ju erdhi fundi!”.
Ndërsa premtimi i tij “Për mua përfundon sot detyra e kryetarit, ndërsa vijon përgjegjësia si gjyqtar i kësaj gjykate. Do të vazhdoj të punoj përkrah jush, me të njëjtin përkushtim ndaj institucionit dhe ndaj qytetarëve që presin drejtësi”, në sfondin e revoltës studentore tingëllon më shumë se patetik kur në Shqipëri, drejtësia dhe qeveria shihen si dy anët e së njëjtës monedhë nga qytetarët.
Ilir Panda, ish-zëvendësministri i Drejtësisë së Partisë Socialiste, në vitin 1999-2000, tashmë pas 27 vitesh, vjen në drejtimin e Gjykatës së Lartë, që do gjykojë pikërisht socialistët e korruptuar, si shkallë e tretë e drejtësisë.
