Një fallxhore e famshme e yjeve ka bërë një parashikim të pazakontë për Meghan Markle dhe Princin Harry, duke thënë se çifti do të thyejë një nga rregullat e tyre më të forta gjatë vitit 2026.
Jayne Wallace, fallxhorja që ka pasur mes klientëve të saj emra si Kim Kardashian, Kylie Jenner dhe Kate Hudson, ka fituar famë për parashikimet e saj të guximshme, duke u krahasuar shpesh me Nostradamusin dhe Baba Vangёn.
Sipas saj, viti 2026 do të sjellë një surprizë të madhe për Dukën dhe Dukeshën e Sussex. Wallace thotë se Meghan, 44 vjeç, dhe Harry, 41 vjeç, pritet të njoftojnë se janë në pritje të fëmijës së tyre të tretë.
“E ndiej Meghanin në një vend shumë të mirë – emocionalisht, mendërisht, fizikisht dhe shpirtërisht. Është sikur gjithçka po sistemohet për të,” tha fallxhorja për The Sun.
“Martesa është e fortë dhe e qëndrueshme. Dhe për ta shoh lajm shtatzënie. Do të ketë një tjetër fëmijë. Madje, mendoj se Meghan do të përfundojë me katër fëmijë.”
Nëse ky parashikim del i vërtetë, ai do të thyejë drejtpërdrejt rregullin që vetë Harry kishte vendosur publikisht më parë: të kishte maksimumi dy fëmijë.
Në vitin 2019, princi deklaroi se dëshironte vetëm dy fëmijë për arsye ekologjike, duke shprehur shqetësimin për të ardhmen e planetit dhe përgjegjësinë ndaj brezave të ardhshëm.
Harry dhe Meghan janë tashmë prindër të dy fëmijëve: Archie, i lindur në 2019, dhe Lilibet, e lindur në 2021.
Fallxhorja ka edhe një tjetër parashikim për Meghan: “Mendoj se ajo do ta provojë sërish aktrimin, por nuk do të arrijë të rikthehet aty ku ishte më parë,” thotë Wallace. “Ajo do të tentojë, por nuk e shoh duke pasur sukses në atë drejtim. Shumë më tepër shoh shtatzëni dhe produkte.”
Së fundmi, Meghan ka lançuar linjën e saj të produkteve për markën e stilit të jetesës “As Ever”, ku përfshihet edhe një shënues libri prej lëkure të zezë me mbishkrimin “Fell Asleep Here” (“Kёtu mё zuri gjumi”), i cili u shit plotësisht brenda shtatë minutash nga dalja në treg.
Nëse parashikimi i fallxhores do të pёrmbushet apo jo, mbetet për t’u parë. Por një gjë është e sigurt: Meghan dhe Harry vazhdojnë të jenë në qendër të vëmendjes – edhe kur e ardhmja e tyre lexohet nga yjet.
(Burimi: Skynews)
