Qyteti i Halabjës në Irak është mbushur me ngjyrat e kuqe të shegëve, me rastin e edicionit të 12-të të Festivalit Tradicional të Shegës, një aktivitet që promovon prodhimet vendase, traditat dhe kulturën e rajonit.
Festivali, i cili zgjat katër ditë, ka sjellë së bashku kultivues, tregtarë dhe vizitorë, të cilët kanë mundësinë të njihen me varietete të ndryshme të shegëve dhe produktet tradicionale që përgatiten prej tyre.
Tezgat e zbukuruara me shegë të freskëta ofrojnë një spektakël ngjyrash, ndërsa vizitorët mund të shijojnë lëngun natyral të shegës, pekmezin, një produkt tradicional i përgatitur nga lëngu i përqendruar i frutave, si dhe shurupe të ndryshme.
Përtej produkteve, festivali është edhe një festë e traditave lokale, ku veshjet karakteristike dhe mënyra e ekspozimit të frutave krijojnë një atmosferë të veçantë.
Fotografitë nga festivali sjellin pamje plot ngjyra, me shegët që kthehen në protagoniste të një feste kushtuar natyrës, bujqësisë dhe trashëgimisë kulturore të Halabjës.
