Mikhail Kalashnikov ose Alexandrei Kalashnikova është personi që tronditi botën me shpikjen e tij. AK-47 ose kallashnikovi është akoma një prej armëve më vdekjeprurëse të prodhuara ndonjëherë.
Kallashnikovi përdoret gjerësisht në luftën ndërmjet Ukrainës dhe Rusisë, ndërsa SHBA ka filluar nga viti kur u pushtua Krimea, të ndalojë importimin e kësaj arme me origjinë fabrikat ruse dhe ta prodhojë vetë, në logon Kallashnikov USA.
Mikhail Kalashnikov lindi më 1919 në Siberi, në një familje hebrenjsh. Pas vitit të tretë në gjimnaz, ai braktisi shkollën për të marrë pjesë në Luftën e Parë Botërore. Ai u bë ndihmëstankist. Nga aty i lindi ideja se si funksiononte një armë me qëllim vrastar.
Pasi u plagos në luftë, Mikhail u kthye në Rusi, ku menjëherë filloi të realizojë fantazinë e tij për armët. Fillimisht, ai dizajnoi armë të modelit automatik.
Ushtarakët e rangjeve të larta e quajtën të çmendur për propozimet dhe dizenjot e tij për armët, megjithëse suksesi ishte në dizenjot e para. Ishte vetëm Gjenerali Nikolai Bulganin, ushtarak i rangut të lartë, që besoi në punën dhe shpikjet e tij.
Kallashnikovi në fillim dizenjoi modelet e para të automatikut “Mauzerin” me 14 dhe 70 fishekë. Arma kishte precizion të lartë dhe për këtë arsye u përdor gjerësisht gjatë Luftës së Dytë Botërore nga ushtria ruse kundër nazistëve. Megjithatë, Mikhail Kallashnikovit nuk iu njoh ndonjë meritë për këtë armë, sepse ajo nuk u certifikua të prodhohej në masë.
Arma e dytë që dizenjoi më pas, ishte mitralozi i lehtë me përdorim të njëhershëm 3000 fishekësh, pa patur nevojën për vajisje. Arma ishte një pajisje e përsosur në shënjestrim dhe goditje, por për shkak të rezistencës së dobët ndaj nxehtësisë dhe temperaturave ekstreme të larta ose të ulëta, nuk u lejua të prodhohej në masë dhe të certifikohej nga autoritetet shkencore të ushtrisë ruse. Edhe kjo armë u përdor gjerësisht në Luftën e Dytë Botërore.
Në 1944, Mikhail, vetëm 26 vjeç, dizenjoi kryeveprën e tij, automatikun AK-47 me 36 fishekë, me një precizion dhe rezistencë absolute në përdorim.
Ushtria ruse e miratoi prodhimin e kësaj arme pasi e testoi për tre vite, që nga 1946, në të gjitha situatat e testimit në luftë. AK-47 ishte një aset luftarak i pakrahasueshëm me një armët e prodhuara deri në atë kohë, ndaj në 1949 ajo u bë pjesë arsenalit kryesor luftarak të saj. Jo vetëm kaq, por ushtria ruse filloi ta prodhojë dhe shesë në masë AK-47, duke e bërë të njohur si armën më të fuqishme në botë.
Mikhail, si një i persekutuar prej origjinës familjare, nuk mori nderin dhe respektin për këtë shpikje. Përveç disa dekoratave dhe një pensioni modest, autoritetet ruse nuk i dhanë gjë tjetër, përveç emrit që arma mori sipas mbiemrit të tij: Kallashnikov.
Gradat ushtarake që Mikhail Kallashnikov mori nuk iu përgjigjën kurrë shërbimit që ai i bëri Perandorisë Ruse.
Ai vdiq në 2013 dhe, pak kohë para se të ndërronte jetë, bëri një deklaratë tronditëse që autoritetet ruse u përpoqën ta mbajnë pa “zë”.
Mikhail Kallashnikov tha: “Më mirë të kisha vdekur në luftë, ku të paktën do isha shpallur hero dhe familja ime nuk do persekutohej, por do kishte një çati mbi kokë, pak bukë gruri dhe një tas me supë të ngrohtë, sesa mbeta i gjallë dhe i turpëruar për atë se çfarë ofrova dhe më dhanë në këmbim. Mos i besoni kurrë një sistemi, sidomos kur të refuzon inteligjencën dhe më pas ta përdor atë për muze. Dua t’ju kërkoj falje të gjithëve ju që u vratë me Kallashnikov, ashtu siç ju më vratë familjen me persekutim, mua më vratë ëndrrat dhe jetën ma trajtuat me një pension qesharak. Më falni që ju vrava dhe do vazhdoj t’ju vras sa kohë Kallashnikovi që kam në duar të ekzistojë. A e dini pse? Se s’do ketë armë tjetër që ta zëvendësojë.”
